#NSS愛情
[GUEST] 中文差請體諒
曾經嘅我對佢好差，係佢對我最好嘅時候敷衍佢。我哋分開咗之後我先嚟後悔，雖然一齊咗唔夠一個星期，又咩都無做過，我突然之間頹廢咗好多，唔肯定關唔關佢事，但係咁樣我持續咗三年，無動力做任何野，淨係識打機。值到五個月前嘅今日，我先鼓起勇氣同佢道歉。雖然佢退咗學準備去其他國家留學，但係我哋傾咗三日偈之後決定要一齊，但係只係係短暫時間入面玩盡佢。佢一開頭都係超級熱情，又勁好人，我嘅心態慢慢變咗想同佢一直一齊。雖然我哋唔係日日見，一個禮拜先見一兩次，每次我都盡量珍惜。然而每次講返之前啲嘢唔小心講咗啲唔應該講嘅嘢，佢就會好容易唔開心。雖然以前嘅嘢改變唔到，但係佢都會好嬲，所以佢提出過唔少次分手。有人可能會話我抵死，但係其實我都係想係呢段時間嘗試令佢對我刮目相看，補救返我之前過錯。時間慢慢咁過去，佢都慢慢變咗，變得成熟咗，所以將唔少嘅嘢列為比我更優先。唔少人同我講我係呢段感情冇做錯（唔計之前），盡咗力，對佢好好，只係佢嘅問題。自己有時都係咁諗，但係諗真啲都係自己問題，望落去佢都盡咗力。曾經被愛嘅時候唔好好回應，依家先嚟後悔。好可惜我哋撐唔到五個月，對唔起我哋最初嘅承諾。你隨口提出想去嘅地方，都令我超興奮，但係最終都唔能夠實現。到而家我都未清楚真正分手嘅原因係咩，可能係讀書原因，但係我諗都唔係咁簡單。成日咩都收收埋埋唔講，真係令人擔憂。成個腦都係遺憾，但係今次我唔會再阻住你嘅發展。有啲人可能已經認得出係邊個，我其實係想喺度澄清返有人對呢件事誤解，亦都唔知你會唔會睇到。五個月快樂，就算我哋有緣相見，可能都已經唔記得咗。加上你咁優秀，講真好難唔俾第二個睇上。我要放低你啦，保重。