#NSS愛情
[Guest ] _(┐「ε:)_ 小妹已經中六，前兩三個月（十月左右既事~）開始鍾意咗個同班既男仔，我同佢本來都係frd黎，都喺同一個朋友圈到。其實原本冇覺得係鍾意，果陣只係突然發覺自己好似成日都想望佢咁，就係「回過來的時候就發現自己的視線總是追隨著他」既感覺🤣 其實同佢都frd咗兩年幾，雖然唔係有太多互動(?) 但成日喺ig 到傾計。
一開始因為覺得突然鍾意自己既朋友有啲怪，而且佢完全唔係我理想型，就說服自己純粹係一時既好感。畢竟依個年紀會想拍拖都好正常，但自己唔會為拍而拍所以唔敢妄斷係鍾意。但依種心情持續咗一段時間，我慢慢確定自己既心意，承認係鍾意佢之後好似就更鍾意佢了🤣 會開始期待翻學，個人又開心咗
之後因為一啲契機，我同佢有單獨出街既機會（詳情就唔講了，費事佢睇度個po會認出我哈哈）。果時有少少feel到佢都鍾意我。有次食飯果陣佢試探咁一路問我杯奶昔好唔好味，一路攞走杯奶昔飲，飲果陣仲要面紅，超可愛的w。有次搭lift果陣，明明得三個人喺入面，佢都偷偷地痴過黎，手臂貼手臂果種//其實我同佢都係偏內向既人，但兩個一齊果陣佢好似仲怕羞過我咁，搞到我會想調戲佢 笑
我哋一直有keep住喺ig 傾計，曖昧野真係少講，只係普通地傾閒計，都唔會傾心事。有時會互mean咁，所以有時都會懷疑佢可能唔係鍾意我。但翻學果陣佢又會好怕羞咁ww 講野果陣都算温柔，同網上面既佢係有啲反差。 佢上完堂會偷偷等我一齊翻課室（因為成個朋友圈子入面得我同佢有讀中史）
然後我哋既朋友都feel到我哋有啲野，但anyway我哋都冇認到。雖然我私底下有同frd啲既朋友我鍾意佢，但佢好似連佢既frd都冇講
但點都好啦，宜家始終dse重要過依的情情愛愛。所以無論佢會唔會表白，我都決定考好試先表白。
畢竟佢成績好好，我都希望自己可以做好啲，足以襯得起佢
但有時會諗到底快啲表白了結心事好定再睇定啲考完試先好。因為我唔係咁易鍾意一個人，可以既話唔想錯過佢，但又深知依一刻dse比感情野更重要。係有啲矛盾 笑
多謝你耐心睇到最後~