#NSS學業
[煩惱學校] 小妹想請教一下大家
事緣差唔多讀完中4又已經考完試唔知應唔應該drop m1好…
咁我而家讀緊chem bio econ m1 加埋四個electives 而我讀緊嗰間學校係band 1A
fyi我哋學校讀四個選修科嘅人都幾多加上上年又覺得自己數學好似幾好所以就揀咗m1 點知發現讀落冇乜興趣 雖然M1又未至於去到唔合格或者好差但係完全冇動力去溫(;´༎ຶД༎ຶ`)相反其他三個electives成績唔錯 全部都全級頭幾 而中文 LS都係精英班 數學同英文都算中上啦 所以覺得可能即使drop 咗M1都應該唔會影響好多 （？同埋我個觀點係如果我drop咗m1我平時會有多啲時間去擺落其他科嗰度咁我其他科嘅成績都應該會更加好（？因為小妹唔係一啲懶嘅人ʕ •ᴥ•ʔ絕對唔會drop咗空堂就去玩
但係問題就嚟啦 我屋企人就覺得成績唔差點解要drop 所以呢我哋就有啲矛盾 佢哋完全唔俾我drop…佢哋覺得我drop咗嘥晒同埋因為我考完dse都會去美國留學 所以佢哋覺得有多一科會有保障啲（？
然之後我又上網查啦 發現其實好少人真係會去DSE考8科 老實講我又唔係想做狀元 亦都冇可能可以做到 所以都唔係好明讀m1對我未來有乜嘢實際幫助（而我都好肯定自己之後唔會從事同經濟有關係嘅工作
所以我想問下我應該點樣說服屋企人drop 定係我應該唔drop繼續喺m1發掘佢嘅樂趣（？
sorry for 1999