#NSS其他
[Guest] 標題 : 嗰 frd 太熱情…..點應對？
大家好 小弟今年 F6 話說幾日前有嗰 frd (由 k1 開始識 係超熟嘅 best frd ) 突然邀請我去佢屋企温書 佢話佢阿爸係某間名校嘅老師 有 D 額外嘅
supplementary exercise + past paper + 可以幫我哋補吓習 我當時就陷入咗一個兩難嘅局面 ： 如果去， 當然可能對成績有 D 幫助 但而家疫情咁嚴重（每日千幾宗確診）去人屋企好似有 D 危險 跟住我提議不如用 zoom 但佢又話唔好 仲不斷打電話勸我去 話咩 ： 「見係你 先叫你上我屋企温書 我冇邀請其他人架….」 聽完之後我心情更加複雜😓😓😓…….
經過一輪心思熟慮 + 同父母商量之後 ， 我決定照去 費事令佢難堪 但為咗減低感染風險 我會戴兩個口罩 + 1個面罩 + 唔留低食飯 本來一心諗住呢個係 Win Win 嘅局面 點知…….
去到佢屋企之後 ，佢同佢父母竟然不斷勸我除口 + 面罩 佢仲要伸手想拉低我嗰口罩 （我當時真係有 D 憤怒 但又唔方便發火）然後佢父母就俾咗對家居拖鞋我 但問題係有 D 腳汗係上面 仲要有陣臭味 🤮🤮 我即刻話 ： 「唔洗客氣 我著襪得架 la 」但佢阿爸堅持 話會跣 於是我硬住頭皮著咗….😥😥
幾小時後終於温完書 ，正當我諗住離開之際 ， 佢阿媽突然拉住我 叫我留低食晚飯 我當時 O 咗嘴 心唸 「唔係一早講好咗唔食飯嘅咩 ？ 而家疫情咁嚴重 同埋餐廳晚市都禁堂食 la 加上佢阿媽係醫生 點解 D 衛生意識會咁低？🤦🤦 」 點止我父母竟然同意 仲要話佢哋好耐冇二人世界 可以趁呢個機會撐吓枱腳…. 我真係好失望 ，點解佢哋會咁決定 ？ 去到食飯時 ， 我嗰 frd 仲要唔用公筷 ，佢父母仲要冇鬧佢 ，我就被迫食佢嘅口水尾…….😔😔😔 (最恐怖係嗰 frd 仲要有幾聲咳）
食完飯之後 ，最恐怖嘅嘢就發生 la….. 佢父母仲要話 「時間都唔早 la 不如你留底住一晚 la 」 最慘係我父母竟然再一次出乎意料地同意咗 之後佢父母就叫我借佢 D 睡衣來著 + 同佢瞓同一張床😨😨 因為佢屋企得兩間房 （一間係主人房 一間係我嗰 frd 間房 ） 其實我本身諗住訓梳化 但佢父母堅持唔得 唉……
事情嘅結果 ： 我嗰 frd 原來有踢被嘅習慣 佢半夜不自覺咁踢中我幾次 仲要係好大力 超痛😫😫 跟住我著完嗰對有腳汗嘅拖鞋之後 對腳有 D 痕癢 有 D 紅 仲要有少少甩皮 唔知係咪染咗香港腳？😨😨 同埋第二朝佢因為冇戴眼鏡 唔係好睇得清楚 竟然將牛奶誤當成豆漿倒俾我飲 搞到我嘔咗幾次🤮🤮 (我對牛奶敏感） 我本身都話自己來 但佢又話唔好 爭住幫我倒 叫佢戴返副眼鏡 佢又話佢通常習慣梳洗 + 食完早餐 先戴眼鏡 返學時就會臨出門先戴 （佢近視唔淺 五六百度近視 + 少少散光 ) 佢呢個習慣好怪….
小弟想問吓大家…..
1. 我應唔應該同佢坦白 話我唔係好滿意 ?
2. 香港腳會唔會經共用拖鞋傳染？ 我嘅症狀似唔似係 ？
3. 如果不幸中咗香港腳/ Covid-19 😨😨 我應唔應該要佢父母賠償 ？ 定我父母都有責任（佢哋竟然同意我留宿 + 留低食飯 ）？
4. 我嗰 frd 嘅戴眼鏡習慣係咪好怪 ？
5. 下次遇到同類事件應該點回應？
6. 其他對呢件事嘅意見
P.S. 真係好後悔上佢屋企温書😓
多謝大家 ！！！
Thx admin 🙏🙏 Pls post IG