#NSS學校
[GUEST] 是咁的，今年小妹F3讀緊band 1c嘅學校，最近都被成績搞到自己成日好頹。由小學開始我就成績都一直中上左右，但由於我自己係個好內向嘅人，冇咩friend所以就算成績唔錯都好憎學校呢樣嘢。上到中學f1嘅時候，成績就比小學差啲但都算ok，故所以之後都係喺精英班嘅下一班入面。可惜嘅係內向冇frd 呢個問題直到而家f3我都改變唔到，大多數都係自己一個人。同時因為f3要揀科，我只係好似平常咁溫書，原本以為成績會好似以前咁，但最後竟然考到我自己咁多年最差嘅一個名次，僅僅係一級嘅一半中間嘅名次，屬於班嘅尾嗰幾個。我本身就喺升上中學之後就有諗過幾次想自殺嘅，加上埋今次嘅成績真係令我成個人崩潰曬，日日放學番屋企就只有喊，連之後功課小測嗰啲都亂嚟，又產生想自殘，自殺嘅諗法，但我自己係非常怕血，所以就算真係攞起咗鎅刀，我都唔敢落手。但我對學校呢樣野真係會好驚，只係想去逃避，每日都好攰，每日都淨係想喊同打機，書都唔想溫，堂都唔想聽，覺得自己好撚廢，可以點算？Sorry for 1999