#NSS個人
[GUEST] 講吓背景先 小妹07 有個03嘅阿哥
我地細個到依家都相處得好好 但係佢前兩年就去咗外國讀書 而我冇乜朋友（大部分去晒留學）所以我自己一個好悶 壓力大都冇人可以同我傾 （主要係唔想自己嘅事影響到其他人）
屋企環境唔算太差 唯一就係我同阿爸阿媽嘅關係唔太好 佢地好多年前已經離咗婚 阿爸去咗外國 我跟咗阿媽 所以依家就得我同佢兩母女係屋企住
我阿媽係我6年級嘅時候就開始飲酒 一直飲到依家 佢飲醉咗就會係咁鬧我 鬧完之後就訓 訓醒之後乜都唔記得 但係佢鬧我嘅嘢就算係好細微嘅事 例如冇執枱 張床好亂呢啲咁小嘅事都要鬧 （其實我只係冇摺被佢就話太亂）冇嘢鬧就搵返N年前嘅嘢係咁鬧係咁鬧 總之有咩唔滿意嘅事就會鬧我 而且鬧得都唔輕 我懷疑自己係咪俾佢用嚟出氣（我有問過佢點解咁 同佢傾過計 佢自己亦都見過社工）
佢講嘅說話真係好難聽 例如佢有次叫我去4* 話我厚臉皮 玻璃心 好多好多其他嘢 佢每次都唔記得自己講過啲咩 但係我記得一清二楚 每次諗返起都會係到喊
然後大概幾個月前去咗親戚屋企 我阿媽又飲醉咗 親戚B係到話親戚A煮嘢煮得好慢 係到催佢 阿媽就唔知jm插嘴係到鬧B 搞到打架
B嗰陣將我阿媽成個人*達*左落地 又打佢又叉住阿媽條頸又扭佢隻手 我嗰陣太驚唔知點算 俾親戚A拉咗入房 係到安慰我 但係出面仍然聽到佢地打架 （最後入咗醫院check冇乜大礙 但係隻手扭到 同埋塊面 手手腳腳又一達達瘀青）
隔咗幾日我係屋企睇電視 見到人地玩相撲 諗起佢哋打架 忍唔住喊 嗰時真係好辛苦 心跳加速 標冷汗 隻腳唔受控制咁震 係咁喊 好似成個世界都黑晒咁 最後隔咗半個鐘先正常返
而過咗咁耐 依家又上網課 成績功課都唔太好 又變成一種壓力 不過呢個唔係重點 重點係我覺得我身邊嘅所有人都好煩 就算係關心我嘅都會覺得好煩 同我講一句嘢都唔想答佢 更何況我阿媽 我真係唔想咁
每日上完堂好攰 都要係咁俾佢鬧 依家疫情又唔俾我出街 係屋企好悶 又俾人鬧 個人好似就嚟癲咁
周圍嘅壓力搞到我成日都有4*嘅念頭 加上我有社交恐懼症 所以唔敢見社工或者睇心理醫生
想問我可以點做 因為我真係好辛苦好攰..
多謝你睇晒呢篇嘢
祝你同你身邊嘅人都快快樂樂 健健康康 平平安安
sorry for 1999