#NSS學校
[自己屋企唔富有,但不停笑人哋屋企窮] 小妹今年F2，讀緊band1女校，家庭中產。
F1嗰陣同A同班，但唔熟，聽人講性格唔好，直到升上F2，先慢慢熟絡，亦冇諗過原來佢咁賤格。
以我所知，A住新起嘅公屋，唔夠300尺。但手機係最新型號，iPad係最貴嗰款，着Doctor Martin，書包四五百。而我，住喺私人屋苑，父母擁有九百幾呎嘅單位，但係用嘅嘢，冇A咁好，手機係Android，冇iPad，着三百幾蚊嘅皮鞋，零用錢唔多，食個午餐都要計住今個禮拜啲錢夠唔夠用，書包亦都係二百幾蚊嘅平嘢。
我同A都好清楚請大家屋企背景，但係佢始終認為，我，雖然住私人屋苑，但始終唔比佢有錢。而家一次對話從而得知，原來佢第一個人有沒有錢，係睇佢用咩着咩。
喺平日嘅對話裏面，佢不停提起自己嘅屋企好有錢，喺屋企收埋咗幾百萬，呃政府，抽公屋，夫做政府高官，母嘅人工冇報政府。而啲可信性不高。因為如果其實佢屋企真係呃政府，應該唔會咁張揚。三人家庭抽公屋嘅資格，冇記錯應該係收入唔超過三萬蚊，資產唔超過300,000。而父親身為政府高官，根本沒有可能呃政府。
我覺得一位F2學生，固然希望喺同學面前自己係高人一等。我都對佢吹牛嘅行為袖手旁觀，沒有拆穿。但係呢排，發現佢嘅行為太過分。就例如，我嘅父母年紀約在40中，而A的父母年紀約在30中，佢喺背後不停笑我父母年紀大，唔似佢嘅父母咁年輕，但係因為我啲父母係有足夠嘅資產，先決定計劃有小朋友。所以我唔明父母嘅年紀比較大，唔係一樣見唔得光嘅事情，點解要喺人哋背後討論人哋父母呢？
第二樣，即是我身上冇一樣係名牌，但係乾乾淨淨，而A，在我背後，說我嘅皮鞋唔係Doctor Martin，我嘅手機唔係iPhone，仲話自己住私人屋苑，根本吹水。係咪而家啲中學生太貪慕虛榮，一定要用名牌先係rich?
其實仲有好多嘢，但係冇辦法係一次講晒出嚟。我已經多次同佢表明，自己嘅諗法，唔希望佢喺背後討論我，唔希望佢散播唔係事實嘅謠言，但係佢依然無動於衷？究竟有啲咩方法可以令到佢收聲🙏🏻
係咪特別個案？大家身邊有冇呢種人？
Sorry for1999