#NSS學校
[Stlouis ] 投稿，希望版主po 上ig🙏🙏
主題：我周圍嘅frd都係假
我係一個form one 仔，讀西營盤嘅一間男校，我想講我周圍嘅frd都係假，即係我自問我都算多frd,同埋啲frd都係唔同年紀，大部分frd都係frd搭frd或者打波識，又九月啱啱識，嗰陣嘅關係都幾好，會日日食飯、喺discord 吹水、約出嚟打波，但唔知點解到左呢幾個月，同我同班嘅frd唔再理我，大家都無視我，佢哋放學直接圍埋一班一齊食飯，完全將我隔開
好似有一次電腦堂，我坐a同m中間，跟住a就直接無視我，隔住我問m食唔食飯，我嗰陣真係感到非常寂寞，我突然間我覺得呢啲所謂嘅frd都係可以隨時同你絕交
仲有一次，前一日有個form two friend 問我去唔去海傍打波同吹水，我話「ok呀，去」，點知第二日我再打比佢問佢幾點去嗰陣，佢就即刻反口話太累唔去，嗰時我真係諗：你係咪fake9我，你唔想我去就講，唔好扮嘢
而且我自問都係一個煩同燥底嘅人，人哋一寸我，寸唔停我就會打佢，可能就係因為咁所以佢哋排斥我、唔理我，但我呢兩個星期已經改左好多，已經無再同佢哋傾計，盡量避開佢哋，希望佢哋明白，而我都覺得我有一班form two frd ，佢哋有時都係唔理我，扮聽唔到我講嘢，有時我想約佢哋食飯，佢哋都唔想見到我而話唔去，但其實我知佢哋係有偷偷地約出嚟食。
我呢排實係好迷惘，唔知應唔應該同佢哋絕交
因為我知佢哋都有睇呢個page,所以希望比佢哋知
但亦希望得到大家嘅意見，唔好批評文筆，不喜勿插，只求意見