#NSS個人
[Guest] 我真係冇曬任何讀書嘅動力
小妹一直都有抑鬱 長期食藥
每次放長假都好容易唔開心
輕則喊幾round 重則閉關
我以前嘅主診醫生成日話我唔做運動
但係我每日返學都好攰 身心俱疲嗰種
不過其實我喺學校嘅表現真係唔好
間唔時欠功課 上堂又會眼訓 功課都做唔好
每日作息都差到貼地
又唔食飯 會因為太夜訓唔返學之後搞到又要見社工
直到而家放假 我連踏出家門都做唔到
好攰 好辛苦 我覺得自己好似麻木咗
只係一個一無是處嘅空殼
我嘅父母都唔介意 就算我考到得二十幾分都會鼓勵我
一直以嚟好似得我自己會係咁為自己提供負能量
我唔知可以點 我唔單止管理唔好自己嘅生活
我甚至已經唔知自己嘅意義係咩
希望大家睇到呢度 唔好講好多香港人都係咁
我知香港嚟講呢啲現象都好普遍
但係我真係唔希望因為呢啲嘢好普遍而需要習慣
呢個係一個悲劇 可唔可以解決 而唔係放任。