#NSS家庭
[guest] 我對我爸爸好失望，佢真係好變態
我阿爸阿媽喺我小四個陣分左居，嗰陣我阿媽剩係同我講想分開一排，但係我冇諗過會變左離婚。
我細個既時候好鐘意我爸爸，因為佢好錫我同埋唔會鬧我打我，有時阿媽唔比做既野我阿爸會偷偷地比我做（細個嗰陣就覺得阿爸好好）但係阿媽就成日話佢會寵壞我。
佢地未分開個時差唔多晚晚都聽到佢地鬧交，可能佢地好早已經有分歧，但係為左我同阿妹先冇離婚。
前一排我阿爸告我阿媽上法庭，好似話要我阿媽比返幾十萬我阿爸（佢話嗰幾十萬係以前佢有份比出黎既錢加加埋埋返黎嘅）我阿媽而家已經要一個人返工搵錢撐起頭家（因為我地同埋公公婆婆一齊住，所以阿媽又要養多兩個老人家）同埋已經冇乜多餘錢，仲點比幾十萬我老豆？
好彩最後唔使比錢我阿爸，聽講個陣連個法官都話我老豆點解仲要追究返以前既錢。
前幾人我阿爸send左張相比我，張相係我屋企個窗口，佢仲同我講「掠衫出街喎😬」個陣一打開手機見到真係好心寒，我覺得佢好變態，因為我地都住得高，佢正常係企係我地屋企樓下數樓層。
平時佢經過我學校會影張相比我睇，好彩個陣啱啱放左學返到屋企，如果比佢見到我放學就死硬。
我估唔到一個親生爸爸可以咁樣對我同我屋企人，要錢攞唔成就黎煩住我仲去我屋企樓下影相，我地真係有諗過要為左佢搬走，佢真係好變態，我真係唔知要點做好🙇🏻♀️
Ty Admin (多謝睇到依度既你地🙏🏻）