#NSS個人
[Güęśt] 唔知係幾時開始，即使我依然每一日正正常常咁過，依然可以感受到快樂，亦唔係扮出黎嘅嗰種，但係我更加經常感受到嘅係空虛，呢種感覺佔據左我大部分嘅時間，只要我唔做嘢就會開始俾呢種feel覆蓋曬所有嘢，然後就會開始諗其實自己生存嘅意義到底喺邊，點解係我活著，點解我要有意識，反正遲早都會死，一切都好冇意義，唔知自己點解仲要留喺呢個世界上面，最後就又會諗到死亡。
近排因為某啲原因同一啲人玩埋左，呢段時間真係好開心，即使班友仔成日忽略我嘅存在，即使我地聚埋一齊都剩係會做埋曬啲on9嘢。我本身以為開始呢種生活之後呢種「我唔值得存在」嘅想法會就咁停止，但唔係。我依然有嗰種空虛感，甚至開始覺得有人無時無刻都監視緊、控制緊我，我甚至覺得我而家打緊呢段文字都係俾一個人控制住而打出黎，腦入面不斷有種「你係多餘嘅人、點解你唔去死、班朋友冇你想像嘅咁在乎你點解你要自己插隻腳、佢地自己幾個都可以好開心完全冇必要有你嘅存在喺入面」類似嘅呢啲負面諗法，有時仲會感覺我唔屬於我自己。（已經好盡力咁表達緊我個腦諗緊嘅嘢，如果都係一舊舊嘅話我好對唔住🧎♂️
我其實好攰，每一次一訓就訓成日，每一日都覺得自己毫無意義，有時幾乎連開眼嘅力都冇，成隻喪屍咁。唔知有冇人同我一樣，我好想知你地點樣面對呢種情況⋯⋯
最後雖然我幾乎日日都講但係，屋企人、師父、嗰班仆街💀、公公婆婆，我愛你地，多謝你地，請你地好好保重，務必要開心健康咁過，我都會盡力地開心咁過的。
即使我頂唔順離開左，都請唔好荒廢自己，請記得無論如何記得都仲有一個人愛著你們。
多謝admin，多謝睇到呢度嘅人，祝你地新年快樂，每天都快樂。