#NSS愛情
[GUEST] 其實我鐘意你…
是咁的。我同一個男仔（下稱A）識左超過5年，我同佢係喺小學識，佢而家係男校。我哩個人雖然係女仔，但係一啲都唔文靜，反正就係好outgoing嗰隻la。無論係男係女都好易有話題，而且我勁自來熟，加上我又有打開機，平時同啲男仔就係兄弟咁，基本上日日打機。但係我可能把控得唔好，一唔小心將自己陷左落去…
本身我仲以為我同A係單單友誼萬歲，但係我哋嘅關係開始有微妙變化。上年我同佢同埋班frd去camp。嗰陣係camp裏面發生左好多野…
事源A生得都算靚仔，有多人鍾意，因為我同A好frd，所以行為舉止都好close，俾人一種情侶的感覺，嗰啲frd每次見到我同A就會起哄，「wu～情侶嚟lo」，「哇！好sweet啊～」
諸如此類la，我本身都冇諗咁多，但係直到我係camp裏面俾喺camp嗰啲啊sir 、miss捉住問我係唔係拍拖，我先意識到哩個問題。加上有啲女仔有陣時都會我都類似試探性咁問我係唔係同A一齊，我本來都係否認，但係時間耐左，我反而開始習慣人哋問我哩個問題，加上A有唔否認，搞到氣氛好曖昧，我開始懷疑自己到底係唔係真係鍾意左佢…
直到最近，我好似以前咁樣搵佢打機（4:30搵），但係佢4:40已讀7:00先覆我，而且只係打左個「no」。我有啲驚訝同失落，以前就算係final exam佢都會同我打，我唔知我係唔係習慣左定係點，我好唔習慣。再有一次，嗰陣仲未考試，我明明見到佢online，但係佢拒絕左我邀請，我就whatsapp佢話「你得唔得閒打？」，佢覆返我「唔得閒，下次先」，結果轉個頭我見到佢係線上並同一個女仔（因為性別設女，而且我直覺話我聽佢就係女）打緊，dm又唔覆，呢件事就不了了之。
我已經好確定我自己鐘意你！但係關係越嚟越遠，我開始驚，好驚，我唔知點算好，我真係應左「友達以上，戀人未滿」。我不甘又不敢，點算？我應該點做？即使我幾積極去搵佢，佢總會潑一盆冷水，但係有陣時又熱情似火，佢究竟想點？
多謝你睇完！跪求admin po ig！