#NSS其他
[Guest] 可能係長文，慎入🙇🏻♀️
小妹我而家中四，其實我覺得有壓力係正常嘅，適應緊中四嘅生活。
咁我有個friend（下稱A) 佢最近上英文speaking 堂嘅時候，話自己心理恐懼然後當堂喊左出嚟，咁我地一班人就諗冇乜嘢啦，應該一兩日就會好嘅，咁就繼續同A玩啦。
講返，老師俾好大期望我地班，基本上人人都大壓力，不過我地釋放壓力嘅方法大概就係痴痴地線，日日都high到不得了咁啦，總之有啲難解釋，班上面係冇乜負能量㗎啦（至少表面冇）。咁但係到之後，A就不停放負啦，明明啲同學想自己一個人做嘢又同佢唔係好熟，但係A就係咁吵住人地，搞到啲同學係咁同我抱怨（咁我都冇辦法㗎，佢坐我咁遠）。
過左一個禮拜之後，有一堂代堂，個老師咁啱係個英文說話嘅老師，A就即刻黑哂塊面，然後我第二個friend(下稱B）佢就同A講左句安慰A嘅嘢，然後A就一嘢推開B然後係度發脾氣，B覺得超莫名其妙就同我講。之後我地成班人哄返A佢個樣先冇咁黑。
A搵唔到人講嘅時候A就嚟搵我講，問心我都唔係好有錢，而A係幾有錢吓，我家庭環境講真又大壓力過A好多，A屋企人對佢冇咩要求，好自由。日日都對我講佢好窮都唔係一個問題，仲要話佢好大壓力精神崩潰又喊又點咁，A憑咩可以講啲咁嘅嘢，A又唔係唔清楚我屋企狀況係點，我日日都覺得A成日都係我身上攞認同感囉，我而家講一樣嘢都比A啲問題嚴重好多。可能你會話，人人嘅抗壓能力唔同，可能佢比較差呢。咁社工唔應該出現啦，浪費錢請個社工返學校？（冇歧視，我愛社工）當你想放負嘅時候，請你睇清楚人，我人人都對住啲負面嘢仲要幫你咩埋？唔好意思咁你走開啲啦。
到上個星期五，我地學校旅行去OP ，明明係啲好開心嘅日子，但係A仲要黑口黑面咁，其實呢，冇人想對住一個黑哂面嘅人玩㗎🙂。到旅程嘅最後我地去玩動感快車，但係就到集合時間，我地個個都好緊張好想玩，尾30分鐘嘅時候，A個樣已經有少少唔掂嘅樣，咁我冇望清楚啦。到最後5分鐘，A個樣成個就嚟喊咁滯，咁我即刻問A咩事啦，佢話佢好唔舒服超唔想玩。（唔該你唔舒服可唔可以早少少出聲？你而家啞左？）我就話咁你要唔要落去先？A就話佢路痴唔識行返去（都係跟住條人龍姐我唔明有咩唔識行返去，真係唔識行有工作人員有路人㗎…）咁好啦，我都冇講乜嘢就即刻帶返A落去啦，9秒九衝返上去（好彩趕得切）。玩完之後我地已經遲少少到，但係我地又驚路痴A唔識自己落山，咁就企哂係到搵A同打電話俾A啦，A一通電話都冇啦，一個WhatsApp message都冇啦。打俾A嘅時候好理所當然咁話A自己搭左車落左去啦，我地就超快衝去搭車啦，就咁啱，如果A有同我講佢落左去，我地就唔哂停低打電話俾A而miss左班車。最後我喘緊氣嘅時候仲要問我要唔要影相（os:影你老豆？）。咁我就冇理到A啦
去到今日，我地食lunch,佢地話要食x仔，我冇join佢地，我就自己買左其他嘢食，一堆人都訂，個外賣仔都遲左到，過左半個鐘冇到，到左之後就一堆人都趕時間食米線。仲有一個friend（下稱C)C見到A面黑黑地咁（因為佢俾錯湯底，然後A又死都唔肯食清湯，又冇俾筷子）就去安慰A問吓A有冇嘢啦。a又發大脾氣推開C同大叫我冇時間食飯啦！唔好阻住我食飯啊啊啊！（其實如果A唔周圍搵有冇攞錯湯底又或姐A肯頂左個清湯佢呢，A係絕對食得切）C就勁無奈啦，然後A仲要喊左（個個都唔係好多時間食，唔係得你一個趕時間）C放左學之後驚左我地唔敢同我地一齊玩😂咁我地冇咩好講。
到而家我地都唔係好想同A玩，我地都好攰, carry唔到佢啦。
Sor for 1999
感謝你地聽我抱怨到呢度，真心好感激，亦都感謝小編，小編辛苦晒🙇🏻♀️🙇🏻♀️