#NSS社會
[GUEST] (小長）小弟係個男女通吃嘅bisexual，係一個基督教家庭裏面長大，由細開始吸左十幾年聖經知識。見近排幾個post都關於基督教同同性戀，兩邊都有接觸嘅我 想講吓對呢啲嘢嘅睇法 特別係對啲基督徒。（有啲內容可能非基督徒比較難明sorryyyy🥺)
翻譯
聖經由希伯來文用幾千年時間翻譯超過一千種語言，而單係繁體都有好多版本，其間語言受社會風氣政治等唔同因素影響，個準成度可以有幾高？而且基督徒都唔可以否定人係不完美嘅，你啲翻譯人員一定翻得準晒？定係神又默示咗你啲翻譯人猿？其實有好多字翻出嚟都有爭議可以去google下D案例
較嚴重的罪
見到之前有個post話同性戀都唔係啲好嚴重嘅罪啫，然而Leviticus又講話if a man shall lay with another man let him be stoned（唔係糖衣大麻嗰隻stoned）講到要掟死人究竟有幾唔嚴重？另外宣道會嘅神職人員守則不容許同性戀，yet我識個傳道人家暴自己仔女到依家都未畀人炒，係唔係同性戀嚴重過家暴？你哋自己搞清楚有幾嚴重未？
死雞撐飯蓋
其實本聖經都傳咗幾千年，根本勁多嘢都outdated，係你地班人自己喺度pick and choose 啲經文監蠻講到現代都適用咁。例如用耶穌關顧妓女 去貼近現代更加關注女權 嘅價值觀。但創世記又話 女人由男人肋骨所做 目的係造一個配偶幫助亞當，依照其中一位耶撚comment話 神本身設計亞當夏娃冇同性戀嘅存在 所以男女唔應該平等？女人應該生存為幫助男人？究竟聖經關顧女性抑或當女人係工人？ also同樣係創世者點解對性別平等和同性戀嘅出入可以咁大？
Yall really sure yall seeing the pearly white gate?
依家啲基督徒郁啲就神唔喜悅，炒股又話貪財唔喜悅，婚前性行為又不貞潔唔喜悅，我追mirror有12個偶像又喜唔喜悅？不斷地排他，排完他 轉個頭又話 我哋包容你㗎，其實令好多人好反感唔想信。如果羅馬書嘅因信稱義係真嘅，你地一個二個耶撚反省下自己掟咗幾多人入落地獄？同埋你班耶撚真係覺得你哋咁款上到天堂😅？？like im not judging but still😅😅
最後，聖經舊約到新約都有唔同程度嘅變化，個過程都可能係幾千年。例如舊約俾人冚一巴你可以冚返人哋一巴，到新約叫你兩塊面都俾人冚一巴。又例如舊約唔食得豬肉因為不潔淨，但係到新約又有另一番解讀：
彼得卻說：主啊，這是不可的！凡俗物和不潔淨的物，我從來沒有吃過。第二次有聲音向他說：神所潔淨的，你不可當作俗物（徒10:14-15）
耶穌說：你們到如今還不明白嗎？豈不知凡入口的，是運到肚子裡，又落在茅廁裡嗎﹖惟獨出口的，是從心裡發出來的，這才污穢人。（太15:16-18）
如今距離新約都有成兩千年，連本書都evolve得快過你班耶撚。
sor for 1999
我打到好攰 可能勁多錯字sorr
btw plz po ig 辛苦晒小編🤍