#NSS愛情
[GUEST] 標題：師生戀左4年幾既我 想比啲鼓勵你地！
長文慎入
Hello大家好啊！祝各位belated情人節快樂先😆見到好多愛情post同有關師生戀既，所以都想分享下自己小小既故事，真人真事🤣希望各位表白 追求 拍拖 順利^^
嗰陣我仲讀緊band 1男女校，F3已經識呢阿sir比佢教，不過冇乜交集，真係唔鍾意佢份人，覺得佢好煩 懶幽默。佢就中等好少少既樣啦，同我差10x年 高大既。到F4嗰陣參加左啲活動先知係佢搞既，超憎要成日對住佢，仲好多時要出去做聯誼活動嗰啲，全部都係佢帶隊…..好啦，咁野都係要做既，meeting都要meet既。因為係一team人，個個都要出席。但係，慢慢相處落，又覺得佢份人唔係好差，可能因為我係team leader，成日都要話多啲時間同佢傾野，就見到佢比平時唔同既其他面。熟落佢對人都幾好，唔計較，做野認真乜都識d認真都幾叻。雖然佢時不時都會鬧我地，但好似對我就唔會點鬧咁，最多都係提醒下，所以慢慢都覺得佢對我特別好。咁嗰陣既我就梗係…對佢有少少好感啦…不過！我發誓嗰陣從來都冇諗過我地會一齊😂只係純碎有少少好感，因為其實嗰陣既我都唔覺得師生戀係100%冇可能既事，開花結果更加係100000%冇可能既事，所以咪搞啦。
但可能接觸越黎越多，我慢慢feel到佢好似對我唔同左，嗰種唔係淨係局限於師生關係，而係好似想同我做朋友咁，想了解我多啲。佢會係學校以外既時間都text我，問我做緊咩，問我平時鍾意做咩，我病嗰陣佢超級緊張，又買藥比我食。有外出活動又會問我點去不如約個地點一齊去，跟住又買野比我食….好啦仲有好多好多….咁嗰陣既我當然係不知所措，到呢個時候，我都係當佢係friend，因為身分問題啦，所以一直冇諗多，只不過對佢有好感啫。（如果第二個咁樣我一早就覺得佢想追我😅）之後相處相處下….其實我地好似好曖昧咁😂佢慢慢同我text嗰陣都會講d比較sweet既野，晚晚都gdnight text同morning call。跟住我心諗，痴線咩….第一，其實我都好驚佢係呃我，又或者喺我身上攞著數或者抽水啦。第二，雖然由我地相處期間都睇得出佢係冇女友既，但都驚會唔會係收得好埋，甚至結埋婚！🤣（我不嬲好有防範心既）我有試過疏遠佢，覺得鍾意左一個唔應該鍾意既人，都係失敗。到某一個要出去既活動，唔知喺邊度佢就問我凍唔凍啊，咁我又真係有啲凍😂佢就比佢件suit我摟住，跟住無啦啦申隻手出黎深情咁望住我！咁我意識到佢想拖住我啦，我都知瀨野架啦😂 但當然，情感呢啲嘢好難控制既😂😂咁我跟住就拖住左佢啦…就一齊左啦….
其實嗰陣真係冇諗太多，我地收得好埋，又邊個都冇講，就一直冇人知。跟住就發現佢真係單純想同我一齊，真係冇古惑冇女友（我有冇咁好彩啊…😅）雖然又得好少好少機會可以一齊出街，冇得好似正常情侶咁拖手行街食飯，有時候都會有唔開心既時候，同好想放棄，但佢真係對我好好，又同我講畢左業之後就唔同（一齊左之後既細節就下刪一千字，如果你地想聽我先再投稿啦，不過應該都冇架啦😂🤣）我地一齊左之後喺學校更加謹慎，冇接觸，你地都明白如果發現左最大獲都係佢。到我畢業離開學校之後，真係完全唔同晒，大家都放鬆左，冇咁擔心。原來真係捱過左嗰段期間就得，開始一齊出去食飯，行街有時候拖下手啦，睇下戲。再過一年，有時去佢屋企過夜，一齊煮下飯仔，訓覺煲劇打機真係幾開心架😙鬧交既時候一定有，甚至試下吵到差啲分手，不過唔知點解大家好似有個無形既情結咁，認定左大家，互相tum下（雖然大部分時間都係佢tum我😬😙）一齊左咁耐我父母都未知佢既身份年齡等等，只係知我有男朋友，因為我都驚佢地接受唔到，同埋唔知點開口，始終佢曾經係我老師，又大我咁多年，我都真係幾擔心下。但有啲野遲早都要面對，加上佢又同我講遲啲結婚既plan🤭最近都租左樓一齊住😳經歷左咁多，好多困難都一齊渡過，我都要比勇氣自己勇敢同佢地講！
所以咁多位，無論你遇到咩問題都好，都唔好放棄啊！尤其係愛情問題，冇嘢係冇可能架，真誠真係會打動一個人，注定一齊既就算點樣都會遇到。我唔會因為外人judge一句就放棄我地感情，喺我眼中，我地可能同其他情侶唔同，我地有機會受到人地既無限反對，但係唔緊要架，你知道對方真心愛你就得，我地就黎5年啦❤️祝 有情人終成眷屬