#NSS個人
[guest] 唔知有冇人同我一樣會突然放空無意識咁做一樣嘢？
係咁的，我平時唔知點解會突然想唱歌，有時個腦放空左嘅時候突然諗到個旋律，個嘴就開始無意識咁唱個首歌，直到我醒覺自己喺一個唔適合嘅場景，意識出返黎又唔知做緊咩，剩係覺得好尷尬想搵窿捐:///// （不過我平時講野內向啲，把聲通常唔多人聽到，係唱得難聽不過最多都係身邊幾個frd聽到
咁有一次我夜晚訓覺之前就同男朋友voice call，平時通常傾到咁上下佢太眼訓訓著咗，我就mute左自己把聲然後繼續睇電話/做功課因為費事吵醒佢。咁啱唔知點解個次我冇mute到，我已經放低電話合埋眼訓，係就黎訓着又未訓個下，個腦放空左我就唔知點解開始想唱歌，無意識咁唱到一半突然聽到男朋友把聲，嚇到我成個人醒曬，唔知點算好，見佢未係好清醒好似唔知係我，就即刻cut咗線，之後我成個人超尷尬唔知點面對佢（男朋友未聽過我唱歌但佢唱歌好好聽，最後成晚好精神訓唔著#.#
唔知點解平時成日都會無定向放空個腦 意識消失然後自我尷尬，不論係上緊堂，食緊飯，自己煲劇睇書個陣。有時其實明明冇個回事我就會自己喺到不停諗，就好似我朋友根本唔介意我突然唱歌但我就不停徘徊喺嗰刻嘅尷尬之中，好似身邊根本冇人知我諗咩，但係我放空個陣會冇意識諗啲奇怪變態嘢，俾人地問返我諗緊咩開始後又唔知點答，其實唔係我自己想咁，我都想控制但係專注力真係好低（但係我學業方面嘅表現又冇咩大問題，同普遍同學差唔多，應該唔係病掛？只係呢啲嘢真係有時影響到生活，好似上堂會間唔中miss咗一part聽唔到，好似我好怕面對唔太熟嘅人或者認真嘅環境會無啦啦出醜，好似當我有緊要野要完成嘅時候會因為咁而嘥咗幾個鐘，我都唔知算唔算係缺點，應唔應該比心機慢慢改咗佢，或者可能其實係好嚴重但係我未發覺？
sorry for 1989+6+4