#NSS愛情
[GUEST] 長文慎入
話說我3月13睇到呢度有個post( #NSS210313H )，睇完之後我發現篇嘢個男主角真係勁似我ex，因為都係15歲、住觀塘同埋好樣衰，雖然都有可能認錯人啦，但係我都想分享下我嘅經歷。
小妹係喺上年4月frd搭frd識佢嘅，我嗰陣f.1，12歲就13，我同佢識咗一個星期左右就已經一齊咗，喺上年8月分咗，題外話，我知你哋可能會覺得我好on9，咁細個就開始拍拖，其實係咁嘅，我啱啱出世幾個月，我爸爸就因為心臟病發令所有腦細胞死亡，而變到完全記唔到所有新嘅嘢，只係記到199幾年之前嘅事，不過唔知點解又記得我同大部份屋企人。我今年已經就快14歲，但係佢都只係覺得我仲係得3歲，而且我屋企除咗我媽咪之外，其他人都對我好差，所以我由細細個開始就因為冇父愛而變得好冇安全感，然後一路都覺得拍拖就可以得到安全感，不過依家就冇咁諗啦，因為我知道根本冇嘢可以代替到。入返正題，我啱啱識佢嗰陣就已經知道佢唔係一個靚仔，但係我嗰陣時覺得佢對我好好，會比到好多好多嘅安全感我，因為佢會主動比ig ac我，又會做咩都同我講先，就算打緊機都會好快覆我，所以我已經冇太在意佢個樣，甚至我po我同佢嘅合照上ig (我自問自己只係正常樣)，我啲frd都會話「嘩！你認真咩？你條仔都幾樣衰下喎，你其實個樣都ok呀，點解要同佢一齊？」等等嘅說話，但係我都完全冇動搖過。
不過好快佢就已經露出佢嘅真面目，第一，我每次唔開心嘅時候同佢講，想佢陪我傾下，或者只係聽我呻下都ok，但係無論嗰件事關唔關佢事都好，唔知點解佢都好快會發脾氣，然後一定要我氹返佢先得…
第二，我係住旺角嘅，跟住差唔多每次出街都要我入觀塘接佢，再一齊出返旺角，仲有我每次話想去買支嘢飲，佢都一定會自己攞多支比自己，然後要我比埋錢，可能係因為第一次去買嘢飲嗰陣，我覺得唔係幾好意思要佢自己比，所以我就俾埋佢嗰份，然後養成咗佢咁嘅習慣啦🤣仲有件更加好笑嘅事，就係有一次我同佢同埋佢啲frd出去嘅時候，佢話要去買杯珍珠奶茶，叫佢啲frd去食嘢先，然後我就同佢一齊去買啦，點知佢同我講佢銀包得$100紙，然後要我比散紙佢買，佢明知我都係得一張$20，仲扮晒嘢咁話同我唱返，跟住我嗰陣又好好笑㗎喎，我同佢講話唔使啦你攞去買啦，呢啲我都算，少少錢我當豪比狗。
第三，我因為小學升中學嗰陣壓力太大，所以肥咗好多下。我之前一直都有減，其實都已經瘦返少少，但係佢就一直攞呢樣嘢嚟笑我，話我肥，然後又話我襯唔起佢，仲話如果我一直都仲係呢個身形，就一定唔會帶我去見佢啲frd，驚佢啲frd會笑佢之前一直都同啲好瘦嘅女仔一齊，然之後突然間同個肥婆一齊嗰啲(不過唔知點解呢，佢啲frd見完我之後根本就冇咁囉😌)，我嗰陣真係好唔開心，因為雖然我係肥咗，但係都未到真係好肥好肥嗰隻，不過我都因為咁而令到自己越嚟越自卑。
第四，佢之前生日，因為我一個月嘅零用錢唔多，f.1嗰陣一個月得$100…，所以我喺前一兩個月開始就已經儲定錢，仲問阿媽借多咗少少錢，希望可以請佢食餐好啲嘅生日飯同買到少少比佢。到佢生日嗰日，我去佢屋企樓下接佢，嗰日落雨我冇帶遮，一落車就突然間勁大雨，我同佢講叫佢快啲落嚟，點知佢叫我自己是但搵個位避住雨先，仆佢個街，佢嗰度附近根本冇位可以避雨，我嗰日仲要m come，之後佢落到嚟見到我淋到濕晒，佢一句對唔住都冇，仲笑我，都算，我忍。
出到去我送咗啲嘢比佢，佢就開始嫌三嫌四啦，佢話「吓，你淨係諗住請我食餐飯同送咁少嘢比我就算啦？」仲要我哋一路行街，佢一路講話「咦～乜乜乜先幾百蚊你都唔肯買比我。」嗰啲，但係我想講我因為佢生日已經有兩個月冇用過零用錢，仲要問屋企人借，佢究竟仲想點？再加上我生日佢都淨係買咗個$100都唔夠嘅蛋糕比我，仲話我生日嗰日唔捨得用佢啲錢，所以佢先唔買其他嘢比我，總之我哋一齊嘅呢4個月左右入面，佢淨係請我夾過一次公仔，請我飲過一杯珍珠奶茶同埋送過一個$100都唔夠嘅蛋糕比我，仲要成日都掛喺嘴邊。
第五，呢樣係最過分嘅，第一兩次出街都仲正正常常，點知出多幾次之後，佢就話想揸我波，我唔比，返到去各自嘅屋企，佢就係咁話我主動捉佢隻手去揸我個波，屌，根本就冇，然後下次再見嗰陣，佢就直接揸落嚟，我嗰陣仲要onon99咁唔識反抗。再過分啲嘅係佢之前夾硬指插咗我，我有反抗…具體嘅我就唔講啦…唔想諗返起，我真係到依家都覺得自己好污糟…
第六，我因為之前嘅經歷，所以同佢一齊嗰陣已經唔會再成日無理取鬧同埋郁啲就講分手，但係我想講佢真係好撚鍾意講分手㗎，成日勁少事嘈下交咁，都講，而且每次都唔會超過兩日就搵返我復合，有次仲勁，講到好絕，然後話要分手，點知幾個鐘都唔知有冇又搵返我，不過我嗰陣真係唔知係撞撚親個頭呀，定係個腦有問題啦，我又真係次次都肯同返佢一齊㗎啵，之後最後一次分手係我講嘅，原因係佢每次應承我嘅嘢都唔會做、可以接受到全日唔搵我，同埋佢成日都唔肯陪我，即使同我call都淨係顧住打機，我有心平氣和咁同佢傾過，你估下佢講咩？條撚樣同我講話如果我陪佢打機佢咪會喺一齊打機嗰陣陪我囉，唔好懷疑，佢真係咁講。其實我唔係冇試過同佢一齊打機，但係佢每次都嫌我渣，仲會鬧我…我講分手嗰陣喊住錄咗超多句音比佢同佢講分手同埋分手嘅原因，屌佢老母，佢竟然覆我一句「對唔住………」就冇，大佬，你係咪真係覺得多幾點就代表你句對唔住好有誠意呢？🥰佢真係連一句挽回嘅說話都冇講過。
第七，分咗手之後，過咗一排，佢成日都係咁搵我，想複合，我唔肯，佢就話咩今次係我唔要佢，唔係佢唔要我嗰啲，好煩，所以我就block咗佢，跟住再過咗排，佢竟然直接call我，我聽咗，點知有一大班人係度笑…我block埋佢電話，又過咗大概一個月左右，嗰陣佢已經有新女，佢居然搵我個frd問我依家點，我真係覺得佢好噁心…
多謝你哋睇到呢度呀！我知篇嘢真係已經好長，但係我都係想同咁多位女仔講多句嘢，就係如果你哋有男朋友，然後發現佢有啲乜唔對路，無論你嗰陣有幾鍾意佢都好，都一定要分，真係越早越好，同埋最重要係一定一定要識得say no，千祈唔好好似我咁on9！我今次係第一次投稿，可能有啲1999，希望你哋唔好介意啦。
投稿日期：2021.3.14