#NSS愛情
[GUEST]
話說小弟三年前鍾意左個女仔。
當時我哋分到同一班，我第一眼見到佢就覺得佢好特別，雖然佢唔係十分靚嗰種，但我已經feel到自己鍾意左佢(just like 一見鍾情）。
因為我哋學期初坐喺咐近嘅關係，有時分組活動都有啲互動咁，仲好記得佢用本書拍我個頭，又幫我mark note，我當時真係好開心。
佢成績好好，基本上係最top個批，反之我嘅成績就中上遊啦，但佢個人真係好nice 冇話睇唔起我，成日都會主動幫我，真係好心動，反之我對住佢就都幾怕羞。當然佢亦都有好多friend.
去到下一年我哋繼續同一班，但我哋身邊嘅朋友都知道我鍾意佢，所以我諗佢都應該知，而且我哋又坐遠左，所以都冇乜點接觸（本來都冇乜），我上堂都係咁偷偷望住佢。
去到畢業，佢同全班都送咗封信同Decoration，我到而家都珍而重之，而且畢業班相因為疫情關係都係P上去，但好死唔死就P左我哋一齊，我見到真係好開心，話哂叫做我同佢之間嘅第一張「合照」，我都有好好keep好佢，但之前搬屋又比我啊媽唔小心丟左（哭左）。
其實因為我係日日都會發夢咁濟，但我由2年前一個禮拜有3-4次嘅夢都係關於佢
但反而我哋畢咗業之後我勇敢咗去用啲emoji 覆佢story 偶爾佢亦都會覆我吹兩句，相比起以前嘅互相happy birthday 已經多好多野講，所以我都輕輕地表白左，佢覆咗句ok我都免得煩住佢。不過佢之後都有同我傾下計，之前仲問我佢會唔會煩到我，我心諗你同我傾偈已經係我人生最快樂嘅時間。
其實我都冇話想繼續追佢，只係想係佢身邊守護佢。
「多謝你教識我咩叫愛。」