#NSS個人
[lolicon] 喺度聲明一下先我講嘢經常性1999lol
容易感到煩躁嘅話可以唔使睇我呢篇深夜嘅鳩鳩文
–
今年呢16了唉
有時真係唔知自己係呢個世界16年做咗啲咩
好迷惘十分之迷惑
出生係一個正常嘅家庭
樣呢就我覺得中下啦 最起碼至少睇得順眼先…
身高都好普通 成個人好平凡
冇任何特點十分之普通
或者會有人講呢種人先係世界大多數
我亦都接受咗自己嘅平庸
但係接受完之後先發現嘩我diu
普通到我好想死
可能普通嘅人最大嘅作用就係撐起呢個世界最基底
但我仍然感到很迷惘
我嘗試去改變
但做出任何嘅嘢唔係差強人意就係十分之普通
近呢兩年來我更加感到迷惘
好攰我真係攰唉
讀書都冇乜動力想quit咗佢
反正我自己成績本身都係中間以下
平時唯一嘅興趣就係煲下動漫打下音game食下雪糕去下maid Cafe(?
每日都好想逃避呢個世界 逃避一切會活動嘅生物
即使在街上仍然會帶着耳機快步走過
友情方面又好似有朋友但又好似冇朋友 止步於可能會覆一兩個story
到愛情…
呢方面我好似有少少經驗豐富
我幫左四五對情侶復合或者表白
過程都幾有成就感
唔係話咩A0毒L大師
小弟都拍過二三次拖
雖然即使同男人喺埋一齊最後個下場都唔係太好
所以依家都唔夠膽再嘗試愛情
每日普普通通咁過
荒廢生命虛度人生
唔知點解冇目標
雖然疫情之前已經係咁
可能特別啲嘅就係
我會思考勁多奇奇怪怪嘅問題
例如我依家查考緊嘅就係政治體系政治精神嘅嘅形成
睇吓唔同書查吓唔同片先令我空虛充實左一點點🤏lol
但係我依然唔明白我人生究竟存在做咩
我嘅五官就好似上天比我嘅玩笑
我嘅身高就好似人生比我嘅嘲諷
我嘅思想就好似天生俾我最大嘅笑話
我嘅一切都好似係多餘
就算我去結果自己最後都只係骨折
運氣唔夠唔夠膽去高嘅地方跳…
死又唔係活又唔係
搵唔到我自己存在價值
找不到留喺度嘅意義
即使見到一個鍾意嘅女仔
都只夠膽喺Cafe裏面慢慢望住佢做嘢
睇住佢同其他客傾偈
但係因為自己唔識開話題所以唔知點同佢加深關係⋯
每次都默默課金而離
每次望住佢嘅得意就已經滿足lol
真係慘唉
祝願佢可以搵到個筍盤男朋友
我都唔知點講好
到呢個位我都仲係好迷惘
亦都
好想永遠Offline呢個世界
…
唉
睇嚟都係將可悲嘅童子身保留去到30歲
搵貨車一嘢撞埋去
睇吓上天會唔會比最後嘅憐憫等我穿越一個我可以做主角嘅世界
sor for 1999
希望Admin post出嚟睇吓我可唔可以搵到同道中人
圖Link: https://imgur.com/a/Ony40lX