#NSS個人
[Idk] *聲明返我係男仔+長文慎入
首先,我係一個有好多異性朋友而同性嘅朋友好少ge人。咁好自然地學校或者其他人都覺得我係為咗識女仔或者咸濕先至全部都係女仔friend咁濟,但係冇人會深究點解呢啲人會係咁。咁當然啦有啲人可能係真係為咗身體先至去識人啦,但至少我唔係。
以前細個因為我嘅性格所以喺學校係畀人孤立,即係永遠做project呢都係冇人要個批XD。但係呢啲時候雖然女仔都好唔情願啦w但係都肯去畀我入grp一齊做再加上我大部分屋企人都係女人所以相對嚟講我會習慣同女人相處多啲。
到初中嘅時候,因為我同男仔冇乜共同嘅興趣呀所以就唔啱key啦做唔到friend咁同時呢女仔都係做唔到嘅因為我係男仔。所以我係經歷咗一大段好長嘅黑暗時期,嗰段時間冇朋友家人唔理解我啦學業問題等等所以我去咗網上識人咁就識咗位台灣姐姐啦係呢個人陪咗我兩年時間將我從深淵拉番出嚟,咁中二嘅時候我就突然鍾意咗畫畫加埋經歷咗好多事令到我性格改變咗好多,逐漸咁樣令同學重新慢慢接受我。
喺呢一段時間入面 咁我本人呢就搭校車嘅,咁喺呢個校車入面呢我就遇到我而家嘅異性好兄弟y啦 因為咁啱同佢都係做同一個職位 又咁啱校巴坐喺隔離 所以就有咗話題有咗交集 後來就慢慢熟咗變超friend啦之後高中仲要同班埋添 之後中三嘅時候因為有個女仔friend嚟咗我呢班但係淨係識得我所以有咩事都搵我幫手咁又自然就熟啦而且個女仔本身都係玩得好放嗰啲 基本上我哋互相當對方同性咁樣玩 打曬交咁款 但係總有人喺後面說三道四 亂咁傳 覺得我係為咗抽水同埋會溝呢D女仔friend 令到我哋玩得就唔可以咁放,搞到我幾心酸嘅因為呢幾個人係重新令我起返身嘅人ps.真講我從來都唔介意人哋去講我因為我真係唔會care 但係唔好搞到我啲朋友囉 因為咁樣會影響我啲朋友喺學校嘅生活
再加上啦 隨著人越大 識嘅人就會越多 咁自然我身邊就越多女仔friend la 咁呢啲人就亂咁講我就係狗公啦渣男啦咸濕仔啦 但其實一直都冇狗公咸濕行為囉 關係都健康 如果唔係啲女仔一早都同我絕哂交啦
我就係唔係好明啲人 其實自己冇咁多異性朋友係咪就一定要透過否定人哋去造謠恥笑人哋來去肯定自己嘅朋友之道 認真講好多人都唔相信有純友誼 但希望大家都好好了解下別人背後嘅故事先去講人哋 而唔係因為佢唔似「正常」嘅交友方式而去亂咁講 令到人哋同人哋啲朋友受傷
因為實在太多人都咁樣係咸濕咁樣就係想搵炮扑 同學家人連女朋友都係咁諗 雖然我明白女朋友係好難接受到男朋友有咁多女仔嘅朋友 因為我自己有原則嘅人 所以我知我有女朋友時我邊啲做得邊啲唔做得eg身體接觸,曖昧其他奇奇怪怪嘅嘢啦。但係都不受理解 同埋有冇了解過呢班人對我係有幾咁重要先去嬲
希望大家可以明白世界係有純友誼同埋唔好齋睇表面就鬧人就去造謠 多謝
十分抱歉我知我自己啲文筆都算差 所以如果造成任何觀感不適呢真係十分之抱歉🙇