#NSS學校
[GUEST] 有暗戀老師嘅經歷 +1
其實我都唔知呢個係啲乜嘢嘅感覺
點解會咁在意一位三十幾歲嘅中文老師
一開始，每次上佢堂我都勁驚佢搵我答問題，因為我真係次次都唔識答，但係佢又真係次次都搵我答問題喎，所以開頭我都勁驚佢，但佢教書教得好好，教學嘅方式真係好清楚，容易明白，佢仲會鼓勵我哋，有時都會講吓笑，除咗佢次次都搵我答問題嗰part，我都幾鍾意上佢堂
後來轉左位，佢少咗搵我答問題，但我就可以近距離望住佢教書，做嘢，漸漸我更加鍾意上佢堂。有一次我問佢關於課堂嘅問題，仲記得嗰陣時佢靠得好埋，低聲係我耳邊講嘢，嗰陣時我一句都聽唔入耳，但我耳仔紅晒。
我都唔知點解自己會咁樣，我唔會有想同佢一齊嘅感覺，但我就係鍾意望住佢教書嘅模樣，每日返學最期待就係上佢堂，而佢又令我有動力去學好呢一科，所以其實都可能係一件好事呢(?)