Guest

#NSS愛情

[Guest] 好希望admin可以揀我，呢個問題真係困擾咗我好耐，我好想講出嚟但係又唔夠膽😥
我係一個中五嘅女仔，性格好內向，乜都鍾意收收埋埋，又唔識拒絕人，又唔識表達自己。我同一個同年嘅男仔識咗七年，佢係我一個超好嘅朋友（下稱A）A為人幽默風趣，又暖男又鍾意9 up, 最重要係佢好了解我。我哋咁多年都keep住呢種關係，由中三開始，好似我同男朋友鬧交，A都一定會每晚call我，一齊打機一齊吹水，但係其實A喺中三至中四都有鍾意唔同嘅女仔，其中有一個喺街站識嘅仲嘴埋，我唔知A係因為溝唔到其他女所以先揾我定一話佢真係同我超熟，中四嘅時候，我同男朋友復合，A係嗰段時間暫時冇搵我，繼續同街站果條女曖昧，半年之後，我同男朋友分咗手，佢要飛美國，分散主因可能係因為我對佢成日都不瞅不睬，有啲咩事又唔肯同佢講，分手之後A依然每晚call我，晚晚都去到四點，有時去到朝早七點，但係佢其實鍾意緊第二個（街站嗰個），我繼續蒙在鼓裏乜都唔知咁同佢傾電話，不過我嗰陣都冇乜嘢因為自己都仲未放低ex.
去到中四下學期，我喺學業上面臨緊一個好大嘅問題，我由細到大讀書都算唔錯，係人哋口中嘅「學霸」，咁當然距離我覺得嘅「好」都仲有好遠距離，我中四嘅時候係讀緊phy chem bio m2, 嗰陣打算drop m2, 我啲friend全部都叫我drop, 叫專攻phy Chem bio 算啦，當年都諗住放棄呢科嘅時候，比我遇到一個高人（下稱B）B係個理科資優生，天才兒童，不過大家都知天資特殊嘅都係俾人歧視嘅嗰堆，佢冇乜朋友，講嘢好直率，得罪人多稱呼人少，成日投訴老師同學校政策，成個人都好理性，不過重點嘅係呢個咁理性嘅資優生，唔計有好感有心動嗰啲感覺，佢又出世到而家只係鍾意過一個女仔，而嗰個就係我。
喺我打算drop m2時佢係唯一一個同我講我一定讀到嘅人，佢肯每日花時間整pdf，出題，拍片，教我phy 數同m2, 我同佢原本係師生關係，而我都只係因為想成績好先接近佢，但係我真係好努力，對住佢每一份嘅習作從來都冇hea，仲好認真寫晒notes, d片翻睇再翻睇，B一開始其實都係純粹因為鍾意教人，見到自己可以教識人所以開心，我又緊緊合格嘅m2去到5**嘅水準，phy仲贏咗個香港比賽，全部都係佢嘅功勞，佢真係好有心。
師生關係維持左半年，去到大家中五，B開始approach 我，上zoom cap下我相整stickers, 又約我食飯，接我補習，後來我哋越嚟越close, 佢依然有繼續幫我操卷教我嘢，但係另一方面都會晚晚陪我傾電話，每朝特登去我樓下地鐵站，喺正嗰一卡車前面，等我一齊返學，仲寧願比架單車我踩上斜，自己喺後面跑上嚟追住我，我哋之間越嚟越有愛，產生咗個好強烈嘅bonding而係佢認定咗我。
不過as I mentioned, 佢同其他人好唔同，我啲friend都唔係好鍾意佢，覺得佢好奇怪，佢同其他人除咗講學業嘅嘢就冇其他話題，到我哋越嚟越熟，我開始又得寸盡尺，郁d又嬲又block人，佢攬埋嚟我推開佢，可能我太在意其他目光，自己又唔敢承認鍾意人，又唔敢表達自己內心世界，於是我對佢態度越嚟越差，好似好唔想佢煩住我咁，但係其實我唔係咁諗㗎，我都控制唔到自己，我不知幾掛住佢，只係越發展得似男女朋友我就越冷淡，我咁樣對佢其實自己都好痛苦。
B每次都畀我hurt得好深，忍咗我，原諒咗我好多次，直至我block咗佢一個禮拜，佢冇再開勁多個acc揾我，unblock返之後，B從此冇再揾過我。
一向被動嘅我無論同佢講hbday又好講sorry又好，不停po story暗示明示自己好care佢好想搵返佢，但係B都冇理過我，我好榮幸我做到佢17年嚟唯一一個鍾意嘅女仔，但係我好掛住佢好自責。我希望用返phy approach 返佢可惜失敗咗啦，B前排有個亞洲區比賽，我wts咗佢一句加油，但係最後連句thx都冇。
喺呢個時候A揾返我，繼續每晚call我，但係今次同之前嘅好唔同，除咗傾電話佢仲會約我出嚟兩個食飯睇戲，B一路唔理我而A又一路approach我，A最後同我表左白，佢話對住其他女仔之外去到鍾意嘅地步，但係真係好愛我，佢攬住我話好想同我有未來，好想我應承咗佢女朋友。A過多兩個月就要去外國讀書，我對佢有心動過但係心入面都仲好掛住B，但係又唔捨得A，唔想佢唔開心。我唔知自己想點。
我唔敢完全信A對我係認真，亦都對自己喺愛情方面冇信心，B對我好專一，俾到我絕對嘅安全感，我feel 到大家係可以一齊進步，係一段望到未來嘅關係，而A就好有情趣，好了解我好暖男，一齊相處會好開心。
究竟我應該繼續等B定應承同A一齊？
如果你係我嘅話你會點做？
有冇辦法可以令到B理返我？定還是佢已經死咗心😢
我真係唔想同時傷害晒兩個男仔，我都覺得自己好失敗，各位大佬，幫下手🙏🏻🙏🏻
.
唔好意思有d長，sorry for 1999