#NSS學校
[GUEST] 小弟今年中五，極度驚波，唔知係唔係因為細個有童年陰影(去遊樂場玩，結果我由好高仆落嚟，要去醫院縫針，依家頭頂仲有疤痕)，之後見到波就覺得個波會打中自己，上親關於波嘅體育堂都會驚到瀨尿。
有一日小弟又有體育堂(以下我會簡稱體育阿sir叫a老師)，當a老師同我地講話要出學校打棒球(打完一棒之後D人囉個波dum嚟dum去)，我已經有不詳嘅預感。當日太陽勁猛，我又驚波，所以即使果日考體育試，我都哩埋好遠嘅亭後面，見到d波飛嚟飛去覺得隨時都會中頭獎，結果就無考到試。
返到學校之後，a老師就過咗嚟鬧我點解無去考試，根住話我體育要攞E(我無expect咁多，無考試有咩可能有分)。之後，a老師就話我就算驚波都要去考，就算我驚波都要去面對佢之後克服佢，我到宜家驚波咗咁多年係因為我無盡力去嘗試克服呢個陰影。講到呢到，小弟十分唔同意a老師，我之前幾次關於波嘅考試都有去考，例如籃球，但係每次我一入場就心跳加速，全程淨係望住個波玩閃避球，見到個波就嚟打中我都淨係企係到同囉手臂遮眼。結果，小弟對波嘅恐懼只係有增無減，到上一堂玩真閃避球我上場咗一下就直接衝咗入廁所更衣室，落堂先出返嚟。gum啱a老師鬧緊我個陣有籃球打咗過嚟(自由活動時間)，佢就突登扮驚波避開個籃球，串我驚波，跟住話我我應該面對個波，唔係去避波，小弟聽完之後全身都好唔舒服。
放學之後，我同friend講返起呢件事，佢哋話我我唔考試唔啱(我無意見)，之後同a老師一樣我講面對陰影嘅最好方法係面對佢，話a老師無講錯。所以小弟想問各位嘅意見，陰影喺咪真係可以面對就解決。小弟宜家完全唔想上體育堂，如果見到a老師會勁尷尬。