#NSS學校
[不知名學校的不知名學生😢] 請問點樣先可以得到老師嘅注意呢？
今年新教我嘅老師，我覺得佢真係好有趣，本身就唔係我鐘意嘅type，但係就係好想得到佢嘅注意。
之前有send過WhatsApp比佢，雖然過左好耐先覆我，但係真係好用心嘅感覺，想再傾幾句，又覺得會阻住佢做嘢。喺網上佢唔知我電話，所以我同佢講嘢都比較自在。
佢真係好受歡迎，雖然今年先教我地，但係所有同學都好鍾意佢。我覺得係因為佢教得好，可能因為比較後生，同啲年紀大老師嘅教學模式都唔同。
我個科成績就真係唔掂，我上網搵啲老師都鍾意醒目嘅同學（即係唔係我啦…）
其實正常其他老師嘅堂我都幾活躍，但係上佢堂個陣就好靜。一係同佢唔熟，二係佢嘅堂所有人除左我都好活躍…三係佢教個科我真係唔掂，唔識答問題。
但我真係想成為佢嘅「大弟子」，但係咁樣成績又要好….
總之最近成日諗住佢啦，我自認為啦，應該唔係鍾意佢，只係單純覺得佢係好老師，同埋好似細路咁想得到佢注意，上佢堂又無得專心。
我對中國語文科已經死心，點溫都考唔好。請問除左提升成績外仲有咩方法可以使佢注意我呢？
如果作文寫得好係唔係可以令佢留意我？但係作文點寫先寫得好呢…
亦或係有咩辦法可以令我唔好一直想佢？
一講就停唔到，請大家幫幫手。