#NSS家庭
[GUEST] 想問有冇人嘅屋企人對你好好但係藍，先講我家庭背景，我依家係F3，阿嫲同阿老母係藍，兩個都係移民落嚟，不過我老豆係黃，以前食飯嗰陣，焗住要開電視(阿嫲一定要睇)，難免會有政治新聞，以前老豆都會幫手講一兩句，但依家佢返夜班，我就要焗住聽佢哋嗰啲冇邏輯嘅話，又要食夾我嘅畀我嘅餸，我唯有快啲食完快啲走，問題就係長期落嚟搞到我自己都好辛苦，依家仲要係F3，加上家陣老母同朋友會phone call，今日佢哋講嘅嘢接下來係我一世人聽過老母最迷惑嘅一句“你唔鍾意呢個政府咪走囉”先唔講啲人有冇錢走，呢度係我哋生活嘅地方，點會冇感情，即係因為鍾意香港先要提出政府落台嘅事，同埋本身自己都有投票權去投票㗎嘛，不過算啦，我都知香港已經變咗，返唔到轉頭，我希望到時候可以移民去其他地方，但我老母對我咁好我又唔知道點做，唔通拋低佢？我好肯定我做唔到，有時候我都想佢會對我狠心啲，其實我講咁多都係想發洩吓，我都唔知有咩解決方法，不過如果有人可以俾建議我，我會好感激［sor1999］