#NSS家庭
[[GUEST]] Admin pls po IG 🙏🏻🙏🏻
小妹今年15，先交代一下事情嘅背景
我阿爸阿媽有一班識咗至少20年嘅朋友(係我阿媽好耐好耐以前嘅同事)咁佢地到依家仲係好frd ，佢哋通常會係節日(例如聖誕節 新年 復活節等等)上嚟屋企gathering， 咁呢班uncle auntie ，我由細對到大 ，個個都對我好好 ，成日送禮物比我同我阿哥&阿妹 ，睇落呢度好似冇乜問題⋯⋯
咁係當中有個年紀較大嘅auntie(五十幾?)，佢都係對我哋好好，又當正我阿爸阿媽係細佬細妹咁。但係佢有個老公(差唔多年紀啦)我以下會簡稱F，咁每次auntie上嚟(有時得閒會上嚟玩) F都會跟住嚟
咁我點樣要特別講F呢？係因為佢做D嘢真係好嘔心！我妹妹今年6歲，F每次上親嚟，一見到我阿妹就攬住佢，要阿妹叫佢爺爺+錫佢(真係用嘴錫去塊面)，手都唔洗個，仲要嚟親都有陣煙味。但係我阿妹又傻下傻下，吾知咁係吾衞生，以為係玩，好開心咁笑。前兩年咁做我都算(加上嗰陣時我都唔知咁係唔啱)但係呢兩年有個咁可怕嘅肺炎，我都估唔到F可以咁唔理衛生囉！最嚴重嘅一次係佢食完嘅嘢俾我阿妹食，我淨係睇到嘔出嚟。而且我極度懷疑佢鹹豬手，每次一齊食飯嘅時候都坐係我阿妹隔離，係阿妹隻腳度摸嚟摸去，又成日lin(?唔識寫)我阿妹塊面，最問號嘅一次係我阿妹有一次唔知發咩神經，係佢面前除褲！係除到連底褲都冇！你話一兩歲就可以姐，佢而家6歲啦喎？K3啊！唔係一兩歲連褲都唔識除嗰隻。咁嗰陣時F做咩呢？佢喺度笑緊…
其實我有同阿爸阿媽反映過，話F好唔對路，唔好俾阿妹成日接觸佢。但係老竇老母嘅反應真係令我大開眼界，佢哋竟然話咁多年朋友，唔想咁當面話F，叫我睇實阿妹就算。我都嘗試過叫阿妹唔好見到F就乜都聽晒佢話，我都再三叮囑唔好錫佢，唔好食佢口水味，但係每次阿妹都好似唔記得晒我講嘅嘢咁(都難為嘅，佢得六歲)
佢係我阿妹，我唔想眼白白睇住佢成日俾F抽水，而且我依家諗返，F同我老竇老母喺生我，甚至喺生我阿哥(17歲)之前已經識，我都唔知我細個嘅時候有冇比F咁樣整法…而家諗起都打冷震⋯⋯同時我都搵唔到我阿哥幫手，佢淨係識得打機。
究竟我有咩方法可以保護好我阿妹？
…