#NSS個人
[Guest] 班on9仔可唔可以放過我
呢篇好長希望有耐性嘅網友可以睇完佢🙏🏻
其實成件事起因同源頭就非常複雜嘅所以唔講咁詳細喇 總之就係我有一個best fd係外國(中四飛咗過去) 咁我同佢就好信任彼此啦 跟住有另一個人係我同佢都識嘅都幾fd 大家都係之前同校飯腳友 因為我呢個best fd喺外國啦 飯腳友squad就得返我佢同其他人 但係因為呢個人(簡稱A同學)做咗一啲好on9嘅嘢導致得返我同佢一齊 而因為呢啲嘢(加上佢啲性格問題同唔係好尊重我)令到我唔鍾意佢 但當然我冇照講出嚟啦費事搞到成件事咁複雜又尷尬呀嘛 咁我咪同我個best friend發洩呢啲嘢囉 咁佢一開始都喺我嗰邊嘅 但直到有一次我同我best friend鬧交 我講咗啲嘢佢誤會咗我意思 嬲得滯將我話A同學嘅說話send咗畀佢 結果因為咁搞到我同A極度尷尬 我個best friend都知自己唔啱亦有同我道歉 但係佢有時候表現出嚟嘅態度令我feel到佢好似都唔諗住幫我解開我同A之間嘅“誤會” 好似驚得罪咗A冇friend同佢做：）
咁好啦總之我用盡方法(即使自己唔鍾意都好)令我同A同學fd番啲以後返學就唔會尷尬 咁另一個問題又嚟喇 我就有兩個校外friend(一個係我嘅另一個best friend) 我呢個喺外國嘅best friend就比較會有一種束縛我嘅心理 成日都唔鍾意我走去搵佢傾計(which is 我同呢個外國best friend明明都已經係日日講嘢佢都咁樣🤷🏻♀️) 咁我梗係唔開心啦咪同佢有嘈起上嚟囉 結果佢就走去搵A同學傾計直接已讀我message 咁我都覺得冇嘢嘅佢兩個平時都會講嘢(但我平時唔鍾意A都唔會制止我個best friend同佢講嘢啦佢憑咩嬲我同我其他friend講嘢🌚) 重點嚟啦：因為A之前嬲咗我所以我ig remove咗我close friend 咁我近排同佢好返咗啲我就見到佢夜晚又加咗我入去囉 跟住但係我個best friend同佢講嘢期間(或者之後)我見到佢又remove咗我 咁正常邊有可能一個夜晚會轉得咁快呀 所以我就覺得係我個best friend嬲我成日搵其他人於是就爆我大鑊 將啲嘢(或者部分？)全部講曬畀A聽
其實我都唔想咁諗我個best friend 但係佢有過前科 加上佢知道我有幾唔鍾意A 所以我而家真係好難懷疑佢🌚 我想講如果真係佢做咗啲咁pk嘅嘢 佢真係抹殺緊我嘅所有努力囉 喺呢班人入面根本就冇人真係care過我感受😂😂 我有時真係唔知應該信邊個好做啲乜好 其實好多嘢就算我幾唔開心都好 我最尾都會考慮咗人哋嘅感受先 就連我最憎嗰個人都一樣 我好憎自己咁樣 我有時寧願自己自私啲顧自己先 咁我就自己可以過得開心啲 但係呢班人根本就係自己開心時想做乜就做乜 唔開心時想做乜就做乜 成班公主病👸 我係咪由一開始就應該收聲 將所有不滿同唔開心留畀自己消化曬佢 咁就唔會惹嚟咁多麻煩 其實一開始冇信任 就唔會搞到大家都咁唔開心囉 咦唔好意思 唔係大家唔開心 得我自己啫~ 都冇人理過我感受係咪先😂💁🏻♀️
我諗咗好耐都覺得自己已經算合理啦 平時絕對唔會po呢度只係因為真係忍無可忍加上唔知信邊個好先喺度講 希望大家唔好屌得咁用力
Sorry for 1999