#NSS家庭
[Guest] 其實究竟係咪我問題
是咁的，咁今年奧運香港有運動員奪金，咁當然我哋全家都好開心，但係突然間我個friend就ig dm 同我講話香港有事嘅時候大陸就咁叫香港，跟住呢啲屬於香港人嘅榮譽就話係中國香港，咁嗰陣我冇留意就講俾阿爸阿媽聽，阿媽聽完冇乜反應，就話「大陸係咁㗎啦」點知我阿爸好大反應咁，話我係中國人應該支持中國，咁我咪同佢講話我係香港人，我生於香港長於香港，你話我中國香港人都合理，但係你話我係中國人，我連中國都未去過，咁你憑咩話我係中國人？可能我大反應咗，但係而家諗返人哋問你係咩人，正常都會講自己係香港人。
咁我當然有立場，但係佢仲要喺度發我脾氣話唔想同我講嘢，話我讀咁多書都唔知自己係屬於中國不如唔好讀書，咁我就同佢鬧交，最後我阿媽就調停咗我哋
其實一向我阿爸已經好反對我有政治立場，又鬧我兩隻字都要咁介意，其實我唔知係咪我太過介意「中國人」個名定係其實正常，我亦都開始覺得係呢個屋企我唔可以發表自己嘅政治立場，或者根本連政治立場都唔可以有
Sor for 1999 admin po IG plsThx admin🙇🏻♀️🙇🏻♀️