#NSS個人
[Nss ] 我想知我其實係咪真係多管閑事。
(文筆好差，希望大家可以睇埋落去)
我有一個識咗兩三年嘅朋友，今年中二唔同班，但我哋都係好friend。學校早排舉辦左個活動，要全級着運動服返學參加活動，但係後尾取消咗，所以嗰日就按返平時時間表。校方叫咗班主任通知同學，同埋貼通告喺白版。但係我個friend嗰一班，班主任好似唔記得咗通知。前一晚我個friend問我聽日要着啲咩衫，使唔使帶書。我就同佢講返學校取消咗，諗住叫佢順便通知埋佢同班同學，但係結果佢答我：我唔要，我同佢哋又唔熟，冇義務通知佢哋，我冇咁大愛。嗰陣時我真係唔知點答，佢的確講得冇錯，佢的確冇義務通知。但係呢幾日我都好囉囉攣，其實我係咪真係太多管閑事。我想問吓大家如果遇到呢啲事會唔會通知埋其他人，定係好似我個friend咁樣覺得自己唔需要通知。