#NSS個人
[Guest] ［女仔嘅友誼唔好全心投入（除非真係真係值得）］
此事已發生多年，呢件事發生喺我（I am a girl) 嘅小五六期間）
是咁的，我當時有幾個frd（分別用ABC…區分），朋友A同朋友B係我當時嘅Best Friend，一開始好好地，突然佢哋迷上咗「prank」，亦即係惡作劇。開始用絕交…嚟玩，其實我好反感，但自己又「友情大過天」唔敢提出，驚「真」絕交🫠（而家嘅我表示不理解）
跟住開始玩「唔理人」。一開始，喺學校好好地，返到屋企之後就玩失蹤，無論點massage 佢哋，佢哋都已讀不回⋯但係我又見到佢哋同時在線上，已經知乜料，之後我就唔知點解求佢哋覆我，又被佢哋抄功課，又呢樣嗰樣，佢哋先hea覆我：）
之後就開始玩全日唔理我，無論喺學校，喺邊度都唔理我，連續3-5日當我透明，話就話嗰幾日之後有理返我，但係可能途中佢哋自己frd咗，就真係冷落我。
過咗幾日，朋友B話我「綠茶婊」，同我講絕交，朋友A就扮晒野同我講話唔關佢事，又話會同我繼續frd喎。結果？咪又係唔理我，同佢玩🙂
最後因為朋友B同朋友A講絕交成件事先勉強可以話完咗。
（三個人嘅友誼好難冇事）
呢件事入面，佢哋成鬼日人身攻擊我：話我肥（其實純粹重過佢哋1-2kg)、話我矮（其實又係純粹矮過佢哋3-4cm)、話我老，會早死過佢哋，話要讓佢哋（大讓細喎…）、話我失憶（老人癡呆⋯⋯）、話我打機屎（因我成績比佢哋好，較在意學業成績，打機純粹玩下⋯⋯）等等等。
之後又傳我同朋友C（is a boy)係情侶，當時我同朋友ABC好frd，已同朋友C多次表示極之反感，但冇用。
一兩個月後，諗住終於平靜，點知，又出個朋友D(is a girl)，又再一次杯葛我🙂，又發生上面差唔多嘅事後，朋友A &D又絕交，件事又完咗。
可能有人覺得成件事好無謂、無聊，但係由於我嗰陣啱啱康復心理問題（冇睇醫生，推測應該係抑鬱或焦慮症），安全感可以話係冇，又發生啲咁嘅事，陰影可以話係好大。其實中間仲發生咗好多野，廢事講曬。
我而家中一，入咗間一直想入嘅中學，好多frd，人緣唔錯，但係真係冇咗對朋友嘅信任，見到人哋已讀不回，自己又會驚。喺人哋面前，我好似好開心，成粒「開心果」咁，但係只要得返自己一個，或者瞓唔著，就會開始亂諗嘢⋯⋯
講出嚟純粹同其他人分享，無論男女，發生咩事，千祈唔好做啲唔要尊嚴、原則嘅事去求人哋同你做frd，陪自己玩⋯⋯日後真係會後悔，好唔值得！冇人同自己玩就自己玩。
以上屬於真人真事，信不信由你。唔信就唔好睇，冇人逼你。
（錯別字唔好在意）