#NSS學業
[GUEST ] 小妹今年中六，近排有小小學業上既壓力，唔係好知道點算好。我一直都係個數底唔好既人，一路去到中一考得好差先發現要努力先追到。
由中一下學期開始，為左年年入精英班，日日夜夜都做好多數，但係成績始終唔穩定，上下學期差成三十幾名。 係去到中四時候， 為左唔比我自己上學期考得好就懶散，死讀爛讀，core 終於可以保持頭十。去到中五上學期，終於考到頭三。 但係我以為core 基礎打穩，開始主攻m2, 個陣又停課， 冇交功課，結果派成績表個陣，排名大跌。個一刻唔知點解超級崩潰，覺得自己好蠢，好冇用，咁勤力都咁廢，一時諗唔開，學人地吞安眠藥。咁啱個陣我老師打過黎，一時崩潰，喊住同佢講我食左藥，佢就嚇死，同我媽咪講，帶左我去醫院。
跟住我老師就安慰我係因為我冇交功課，全部零曬，唔好咁傻，不過我都知自己事，比以前勤力做返數。考mock 之前，做過學校, DSE, 補習past paper， 都冇唔識，以為實冇死。 結果今日考mock, 我好多唔識做，又唔夠時間，mc 最少撞左三題。
我知道今次實考好差，冇曬動力讀埋其他科，越黎越唔開心，淨係知道我老師最後一次改我份卷見到我做咁差，係會有幾失望。原本好期待努力考好DSE, 讀大學，有新既生活，但係而家冇曬期待，覺得六年心血結果都摘唔到星，唔想再做數，淨係想訓覺，又就黎考physics，eng lit 啲麻煩嘢， 犧牲曬比數學得個吉。好想逃避現實，唔知點算。