#NSS愛情
[GUEST] 男朋友有異性密友點算好？
小妹今年f4同男朋友拍咗拖一年半，間唔中都會嗌交但係都未到分手。
但係有一個問題我哋總係傾唔掂， 就係男朋友有一個異性密友(下稱A)，我哋三個都係小學同學。不過三個都唔同中學。
我自己本身就同A唔算話好熟，但男朋友就同A識咗好多年好frd，到而家佢哋都會keep住間唔中打電話或者打機，雖然唔係成日但係佢哋一打就通常會五六個鐘，同埋佢哋成日都互相send啲無聊野比對方。
有幾次我打電話諗住搵男朋友傾計，點知佢同緊A打電話，仲有時聽得出佢傾得好開心。
佢每次都講「同朋友傾偈，其實唔使咁嬲又唔係日日搵佢，同佢又冇路，我鍾意嗰個係你唔係佢。」但係好朋友，真係會打電話打咁多個鐘？
A佢講過自己係les，但係我又唔係好信，雖然佢同我男朋友冇身體接觸，但係我好驚男朋友鍾意咗佢，或者其實A佢係扮les。
可唔可以可以俾啲建議我😥🙏
Sorry for 1999