#NSS愛情
[GUEST] ［長文慎入］
第一次投稿，希望被抽中🙏🏻thx admin🙏🏻
是咁的，小妹今年中二，(希望大家唔好見到我係中二就唔睇），一直單戀緊一個以前讀同一間小學嘅男同學（下稱A、冇女友）。直至之前都有同佢keep frd(但只限於網上，現實冇乜點講嘢），都幾close下。
。
我一直都有表明我鐘意A，有表白，但係佢拒絕左。咁我就覺得即使冇得一齊可以做frd都已經好好，就咁樣拉拉扯扯左幾年。
。
一次偶然，我問A可唔可以同佢喺現實傾計，佢就東拉西扯有啲避話題，因為A覺得冇話題傾（但係我地喺ig都傾幾開心）呢次就令到我覺得既然都我哋都唔可以喺現實做frd，更何況做女朋友？同埋之後如果佢出pool, 我哋都冇可能好似而家咁frd。我又唔想再煩、sad落去, 所以決定斬纜。咁之後我決定好好同佢講清楚，寫左一篇嘢俾佢，A就類似咁覆我：「笑左」「話想繼續做frd係你」就咁樣斷左。
。
斬纜之後，A揾咗我一次。去到依家我仲會成日諗起A。
。
去到今個星期四，我補習撞到佢（一齊補習）望住佢走嘅背影, 越行越遠，好似我同佢嘅關係越嚟越疏離，嗰刻忍唔住喊左。周圍啲frd一啲就話同佢frd番唔好虐待自己、一啲就話唔好frd，為免夜長夢多。我一直都好煩好傷心，決定俾下冷靜期自己諗清楚。小妹想喺度請問一下大家，究竟我應唔應該同佢frd番？🙏如果要frd番咁應該點樣做? ？唔該哂
。
Srr for 1999，屌得細力啲🙏🙏🙏🙏