#NSS個人
[GUEST ] Hello 大家好，我本人今年中四，讀緊女校，有恐男症。
首先講下點解我會有恐男症。大概三四年班上補習班嗰陣畀一個男仔性騷擾2-3次，佢一開始上上下堂扮high到我啲手腳，我以為佢唔小心，冇特別放喺心上。但之後佢越嚟越猖狂，光明正大咁摸，仲話我啲皮膚好滑，我真係覺得好反感。嗰陣唔知咩叫性騷擾，係到咗五年班先知道原來呢啲叫性騷擾。
但因為我小學生活過得非常開心，所以冇特別放喺心上。係中三嘅時候記起返件事開始成日有疑心病，喺街度望到男仔都會諗佢想做啲咩，成日ff有賊入屋，邊啲用具最適合用嚟做武器自衛，又成日諗定逃生路線，萬一俾人綁架嗰陣要點算。
到依家中四開始返社交活動，我覺得我除咗自己好close嘅男仔friend之外，好似驚咗所有男仔，疑心病亦都越嚟越嚴重，對男仔十分反感，亦都對肢體接觸好敏感（例如我爺爺成日將佢隻手搭喺我大髀上面，我知佢冇咩意思但係我好唔鍾意）只有同女仔生活我先至可以做返自己
我唔知我可以點算好。我想回歸正常嘅社交生活，但係我真係好怕男仔。希望各位可以俾啲意見我
最後，當年曾經傷害過我嘅嗰個男仔，如果你望到呢個post，我想同你講我呢一世都會記得你個樣，記得你個名。你帶畀我嘅陰影係永遠無法消散，我就算死都會記得你，唔好再畀我見到你。
*本人第一次投稿，sorry for 長文and 1999