#NSS學業
[GUEST ] 今年中三就快要揀科，想問下大家意見。
小妹已經決定咗要揀 phy chem，仲要揀多一科，想喺geog 同econ 之間揀一科。本身geog 成績一直都唔錯，上次有全級頭三，而econ 就冇讀過所以唔清楚。好多人都話geog 難擺星同埋伏，有好多嘢要背，econ 就無咁多負面評論，但我又擔心自己唔適合讀econ，handle 唔到。另外，小妹數學成績唔好唔差，好鍾意寫英文essay，背野方面都算可以。喺大學學科方面，小妹將來想讀law ，因為見到而家咁嘅局勢想出一分力幫下社會。請問大家認為揀geog定econ 好呢？邊一科將來更有利於讀law？請問有冇而家讀緊geog econ 嘅師兄師姐可以分享一下？
仲有一條問題想請教下大家。由於小妹唔肯定自己將來夠唔夠分入法律系，已經決定咗第二大學學科志願為讀engineering 再從事civil engineering嘅工作 ，請問應該揀m1 定係m2呢？自問數學又唔係超勁學霸級嗰隻，數學成績只係普普通通唔高唔低，所以未諗好揀邊個好。
小妹第一次投搞，如果有錯別字/文句唔通順嘅地方，真係非常之抱歉。如果知我係邊個嘅，唔該唔好相認。多謝大家睇到呢度，最後祝大家身體健康，stay safe 🇭🇰🖐🏻