#NSS個人
[GUEST] 首先唔該admins
雖然唔知喺度可唔可以講呢啲
不過想尋求下意見🙇🏽♀️
係咁嘅，小妹今年14歲。
不過仲未嚟初潮，
由小學開始，周圍嘅女仔都慢慢開始嚟咗m，
一開始都冇咩感覺，因為覺得自己可能上到中學先嚟都未太遲。
不過自己都已經14歲，連細過我嘅阿妹都已經嚟咗，身邊都好似淨係我一個未嚟，慢慢開始有啲擔心。
講真我都有啲擔心係自己嘅問題，
因為自己在息時間有啲日夜顛倒，大概小五小六就已經凌晨兩三點先瞓。
上到中學慢慢變到四五點先瞓覺，網課期間有時更加直接唔瞓。
所以開始擔心會唔會作息時間搞到荷爾蒙分泌有問題。
都有同媽咪，朋友傾過呢個問題，不過都係叫我唔好擔心。
我都會諗會唔會係自己諗太多，不過加上最近睇小說見到有樣嘢叫石女，好似即係先天性冇得生育，更加唔會有經期。
就開始諗自己會唔會係咁嘅情況…
呢種情況其實係咪去醫院檢查下都好？定係其實14歲未算遲？