#NSS文化
[guest] 睇返身邊啲人或者喺網上見到基本上一頁裡面粗口係占大半。真係覺得呢個風氣幾恐怖下，係咪人人都將講粗口變成一種習慣？
好多時睇到有人講粗口其實係會覺得好冇禮貌而唔係覺得佢好勁好型，如果表達憤怒嘅話，有好多其他字詞可以代替，點解一定要用粗口呢？
我相信一個真正高質素有內涵嘅人係會知道粗口但係唔講出嚟，唔知道有咩粗口可以話佢無知，但係講唔講出嚟又係自己嘅選擇。
定係大家都俾現代社會呢種風氣搞到大家覺得唔講出口就係唔合群不合符潮流。唔好覺得粗口係一種文化，文化唔係你冇禮貌嘅藉口。