#NSS個人
[Guest] 小弟有學鋼琴,同而家呢個老師都至少學咗4-5年
起初都還好,去到呢一兩年越嚟越頂唔順
只能話係性格不合，我本身性格比較文靜,
希望學嘢嘅時候個老師會專心教,
而且我好容易因為人哋講嘅一兩句而影響心情
好希望自己可以做得更好,得到老師認同。
而小弟嘅任教老師同我性格剛好相反，好豪爽
口沒遮攔，講嘢好直接，而且好鍾意講人是非
成日窒人，例如上上下堂佢會同你講xx老師好煩
xx學生個家長好有病⋯⋯
類似係一堆貶低人哋嘅說話( 想我去認同佢
但我唔想生咁多是非,就不停附和佢。
我唔明佢同我講咁多係咩意思,
可能純粹係想發洩一下,
或者就係所謂抬高自己貶低人哋。
次次上堂佢到講一堆廢話，慢慢就變成左我嘅壓力
我覺得我唔係係到學琴係比錢去應付佢
聽佢講埋啲無謂野,一堂45分鐘有一半喺度講佢自己啲私人事、其他人嘅壞話、唔附和佢窒返你轉頭
再加上小弟都唔太擅長同人相處
,慢慢變得好驚同佢相處
所以我想轉老師,但屋企人唔同意
次次上堂之前壓力大到頂點
試過調整心態,同自己講冇事嘅,平常心去面對
但失敗為多,而家要上堂嘅前一日會變到好擔心
我努力想改變現狀,想學識睇開啲,想請教一下各位🙏🏻
依家一個星期要見佢三次真係地獄🥲