#NSS愛情
[GUEST] Sorry 呢篇野會有啲長
小弟今年17，嚟咗英國差唔多兩年，人生拍過3，4次拖，不過同白人女仔就得一次，兩個月前分咗
咁我有一個女仔friend，間稱A，唔知幾時開始我鍾意咗A… 佢係一個生人勿近，唔太鍾意同男仔講嘢既人，但對住識嘅男仔勁shy（普通講嘢都可以紅都面晒🥱）所以成個friendship group都係女仔，另外佢係一個又乖，又讀得書，而且全校數一數二靚嘅女仔
嗰陣我知道A係鍾意另外一個男仔，所以我都想keep住Secret，因為暗戀好痛苦，所以隔咗一陣我頂唔順同我個best friend講咗我鍾意佢嘅事，叫咗佢保守秘密，不過最終都係傳咗出去。不過大家都係半信半疑，加上我係咁否認，因為唔想搞大件事（主要原因係因為我係香港人，而全校數得出亞洲人多唔多嗰10個，所以個個都好有興趣）
有一日嗰個A個best friend無啦啦當住A面前問我係咪鍾意佢A，我嗰陣完全呆咗，冇否認亦都冇承認，搞到A尷尬到爆。佢個friend都係出於好奇問吓既。基於我嘅反應，A已經肯定咗我鍾意佢
之後嗰日佢私底下同我講佢同佢個best friend拍緊拖（les)，所以唔可以同我拍拖，雖然佢哋真係friend到一個超越咗友誼既地步，但我可以肯定只係一個藉口。我冇親口承認過我鍾意佢，所以我就好似冇乜特別點回應A
咁我當呢個係一個我未表白前已經俾人拒絕嘅經驗:)另外因為呢度啲人比較open，所以都冇話會特別尷尬。
之後呢件事開始淡化，好似冇乜人記得，不過我一直keep住鍾意佢，主要係因為佢嘅性格太Nice，加上我搵唔到任何一個女仔可以可以同佢媲美，無論外內都係。期間我不時都會flirt下A，有好似普通friend咁message佢，佢又好cute咁笑下。我完全feel唔到佢究竟對我有冇丁點兒嘅感覺
有人A Snapchat selfie咗佢同friend喺屋企醉晒既相，跟住又send audio講 ‘我個名+I love you’ ，咁因為佢果陣醉晒，所以我都當玩下，覆咗佢幾句
第二日喺學校，佢好似完全冇事咁
之後我個friend同我講返 A上堂嗰陣時同人哋講佢鍾意我，因為我真係覺得不可思議，所以我都冇當真。
我係一個幾識氹女仔嘅人，不過只限於香港女仔，我已經講得一口流利英文，但始終冇辦法運用到可以好似廣東話咁
咁究竟我仲有冇機會，畢竟之前未表白已經俾人拒絕：/我鍾意佢地步已經去到日思夜想
以上所提及嘅人全部都係白人
多謝你比耐性睇到呢度
因為已經成兩年冇用過廣東話打字，所以如果有1999就Sor9ry😮💨
Thx admin if you can post it