#NSS愛情
[guest] hello, 小妹我係 #NSS220112B 嘅po主。
文筆差,敬請見諒(有少少長）
上次投稿之後見到好多人話sure佢係鍾意我
又叫我「去馬！！」
所以自從投稿完嗰段時間,我開始諗我係咪真係鍾意佢
ff佢同我表白之類嘅時候我會有咩反應😂
畢竟知道人哋對自己有意思,但又唔理,扮唔知繼續接受佢嘅好,又唔表示,好似幾賤格:‑X
終於！有答案喇！
然後疫情開始反彈..令我原定諗住想親口講嘅嘢推遲咗好耐:'(
叮咚– 突然！有個message彈咗出嚟。
“最近點呀💩”
「幾好呀 做咩?」
“我焗咗cheese cake, 你要唔要過嚟我度食”
！直覺會有緊要嘢發生,點可以唔去呀!!!
「而家出門口。」
至於疫情問題..對唔住已經畀我拋於腦外
「阿媽我出一出去—！好快返」衝出門口–🏃♀️
(放心我出入前都有酒精搓手,同埋我阿媽對此疫情如風土病,所以冇阻止我）
——————-
到咗佢屋企之後,
(由於佢父母返緊工所以唔喺屋企)
我坐咗喺梳化,佢斟咗一杯水畀我同埋佢自己
之後..我哋兩個冇講嘢,係咁不停飲水斟水lol
直至我醒起,「係喎,我唔係嚟食蛋糕嘅咩😂」
先打破咗啲片刻嘅沉默,
食食下蛋糕之後佢突然間講,
“我..有嘢想同你講”
「？」「洗耳恭聽,請講」即刻飲啖水定定驚
之後突然間哄埋嚟我耳仔旁邊講“我鍾意你..”
震驚到即刻水都噴埋出嚟🤯
「咳..咳咳..嗯」我唔敢正面回答佢
“你..覺得點..你鍾唔鍾意我”
“唔係frd嗰種,你明㗎可😟”
我哋又再次重默咗片刻
「我知道..但係你諗清楚未」
「因為我唔確定我而家對你嘅感情係咪同你一樣,但我..仍然希望同喺埋一齊」
諗返起都覺得自己講得幾賤。
“..我哋咪約定畢業前出唔到pool就拍拖嘅？”
“我會喺你出pool之前追到你,到時就順其自然,你依然可以選擇拒絕同接受”
“我唔會逼你做你唔想做嘅嘢,但係我希望你鍾意咗我嘅時候可以同我講”
“可以嗎..(´ . .̫ . `)”
喺呢幾句嘢入面我feel到佢嘅不安
望住佢嘅雙眼覺得佢有啲可愛,忍唔住笑咗出聲。
「我諗..我明喇」
明白到你有幾咁得意,幾咁鍾意我,幾咁在意我
明白到我有幾咁幸運,竟然畀你鍾意咗我。
明白到講呢幾隻字係需要幾大嘅勇氣幾大嘅決心
我深呼吸 🗣️「..我都鍾意你」
雖然似乎有啲草率,啱啱仍然猶豫不決嘅我突然嘅告白,但總覺得唔講似乎絕對會後悔。
「你….！？？」正當我想繼續講嘅時候,
佢突然間流晒眼淚,一邊大喊住咁張個頭挨咗落我個心口..“我..都係…”
我咩都冇講只係默默咁抱住佢。
—————————
佢喊完之後
「咁..我哋而家係..情侶關係..？」
“嗯,好似..發緊夢咁..”
的確.。
我心入面都係咁諗,嗰晚返到去完全瞓唔着;)
—
多謝你花時間睇到嚟呢度🙏🏻
sorry for 1999
admin po IG pls