#NSS學業
[Guest] 希望admin出post~ thanks!
是咁的，我係一個平平無奇嘅中學生。身邊嘅人成日提起自律，而我自己亦希望自己可以自律到。
返學嘅時候仲好啲，變咗online lesson之後，自己做嘢拖嚟拖去嘅習慣逐漸嚴重，唔少assignment都欠交/遲交。其實每一次都會後悔，跟住下一次又係咁，好痛苦。
就好似梁啟超嘅《最苦與最樂》所講，未完成責任就係最苦嘅事，而身為學生，準時繳交功課確實係我地嘅責任。
可能你會話，好多人都係咁啦，冇錯，呢個係一個事實。只不過，想改善自己一啲壞習慣又有咩錯呢？
除咗喺Deadline之前趕功課好專心之外，平時做功課真係可以分心，見到有個message彈出嚟就忍唔住覆， 順便又睇吓手機咁，一句講哂，毫無效率。
自己都知道，係時候要開始努力，問心嗰句好想解決到呢個問題。本身個成績都一般，大概就係合格線左右，自從Online class啲嘢開始跟唔上，唔多唔少都會擔心下次考試會點。
最後，希望自己最後改到呢個壞習慣， 同時都為見到呢個post嘅你打氣，無論係返工定係返學定係生活上嘅大小事，事事順心，一帆風順。