#NSS愛情
[Guest] 小妹今年中三，係中一嘅時候識咗個男仔，佢份人唔錯，成績同PE都好好，係個種幾cool下嘅類型，所以係同佢相處嘅過程中不知不覺咁鍾意咗佢
不過，佢有個青梅竹馬(以下稱A)，係我鍾意佢之前，我已經知道A嘅存在。
A同佢係一間小學但唔同中學，佢由中一開始已經每日接A放學，聽佢小學同學講，佢同A小學個陣都係成日係埋一齊，佢同A係超friend
我之前問過佢點解日日接A放學？
佢同我講話因為A係路痴，佢哋住係附近咪同佢順便一齊返去
我又問你哋父母唔會覺得有問題咩？
佢話父母都同對方好熟，佢哋覺得冇嘢，而且佢哋都好開放
之前佢啲friend 講笑話搵日介紹下A比我哋識，佢笑住話A個人太高冷，唔會想識佢哋
((雖然我唔想認，但佢同A真係好似拍緊拖
係我鍾意咗佢之後，我多次試探問佢鍾唔鍾意A，佢都好明確咁話冇(但係都有唔認嘅可能性)，我之後又問佢細路(佢細路同A都好friend)，但佢細路話雖然佢同A依家對對方都冇feel，但有嘢係遲早嘅事。
A有好多條件都比我好，例如A係考第一(不過A間學校一般般)，我同個男仔都好熟但一定比唔上A。於情於理，佢鍾意A都係好正常嘅事。
想問下大家
我係咪真係冇機會？
如果真係冇，我應唔應該表白？我知道唔表白會有遺憾，但我好驚做唔到朋友
多謝你哋嘥時間睇呢篇嘢
sorry for 1999