#NSS學校
[某top女校] 我今年f1,算係入咗名校,小學排名一直係全級第一,但f1分班試失咗手,考得好麻麻。於是我呢個學期就不斷努力，成績都算考得幾好。但係我發現我壓力好大，因為每次測驗考試我就比自己一個好high嘅Standard ，而且每晚考試前都瞓唔着，因為我呢個人好需要安全感，但係我呢間中學唔會點谷人，好聽就係自由學習，唔好聽就係俾我哋自生自滅，所以基本上好多嘢都係我自己迫自己做。但正正就係因為啲資料唔係老師比，搞到我每次考試前都質疑自己有冇錯，我亦都有成日諗要點令自己進步，所以亦造成左我好大壓力同好攰。第二，唔知係咪因為女校係咁，抑或名校就係咁，全班個個都非常有心機，想同佢哋天真相處都唔得，而且少少得罪佢哋就會非常大反應，係咁冷淡你、杯葛你，搞埋啲小圈子，搞到每日返學都好似宮心計咁嘅樣，兼且我讀咗半年書一個真心朋友都搵唔到。第三，由於我學校讀書競爭好大，爭1分可以冇咗20幾30個排名,所以令我成日處於極度警惕狀態，放假都完全冇得輕鬆，呢樣嘢都令到我好大壓力，成日好想放棄學業。基於以上三個原因，我媽咪覺得我好似唔係好適合呢間學校，所以希望同我轉間冇咁勁嘅學校，一嚟我排名高啲、競爭低啲，啲女仔可能都冇咁心機。但係我小學啲老師又話呢間好適合我，因為好少勁嘅學校學生同我一樣咁好動，要玩嗰時都好開心，而且我都係遇強越強嘅人，我都sense到入咗呢間學校之後我對學業嘅層次係提升咗，但係我真係好攰好攰。另外我大個想讀理科，頭先講過我學校競爭好大，仲要學校讀理科嘅排名要求好高，我擔心自己讀唔到。所以真心想問吓各位我應唔應該轉校？當然我唔係成日問人俾意見，仲要係咁重大嘅決定，但我真係想問吓各位嘅意見，所謂當局者迷旁觀者清，我相信大家嘅意見一定會好有用🤧🙏🙏 Btw,就算你哋俾唔到意見都好，pls俾個抱抱我,我真係好辛苦😭😭
Sor for 1999🙏😓
ADMIN PLS PLS POST TYSM💕💕