#NSS愛情
[Bwwtc] 是咁的
我同我女朋友一齊咗七個月
我同我女朋友係一個傾偈谷裏面認識嘅
大家都估唔到可以行咁耐
我哋中間分合過兩次
但最後都喺埋一齊
但係我女朋友有一個興趣就係打機
本人係嗰種運動型所以唔打機
不過最近疫情冇得出去運動
就多咗同女朋友傾偈
我宜家先知道原來佢成日打機
唔緊要之前我冇乜陪佢佢打機唔理我正常嘅
但後尾我發覺佢一直24個鐘有8個鐘都打緊機
我曾經質疑過佢到底打機重要啲定係我重要啲
答案梗係我重要啲啦
但係每當我掛住佢問佢做緊啲咩嘅時候
：打緊機呀等等啦
唔緊要我等有一次我等到瞓覺
我瞓醒我都仲未收到佢嘅一條訊息
果一刻我不經意留咗兩滴眼淚
我問佢你做緊啲咩啊
：打緊排位等等
我好愛佢我亦都帶過佢見我阿媽
我認定呢一世人淨係愛佢一個
但係我叫佢唔好打咁多機嘅時候
佢答我冇可能
果一刻我好唔開心到呢一刻都係
冇諗過原來喺佢心目中
我係比唔上一隻遊戲㗎囉
最近我個心都開始攰
我好想繼續落去但係佢唔戒網癮就真係唔得
每次聽到佢喺度打機我個心都覺得冇力
有咩辦法可以幫到我….