#NSS個人
[GUEST] 小弟今年中六，2022年考DSE，想喺大學讀動畫。以下係小弟嘅JUPAS Programme Choices嘅Band A1至Band A3：
1. Band A1: HKBU – JS2370 – Bachelor of Communication (Hons) in Game Design and Animation
2. Band A2: LingnanU – JS7133 – Bachelor of Arts (Honours) in Animation and Digital Arts
3. Band A3: HKMU – JSSU14 – Bachelor of Fine Arts with Honours in Animation and Visual Effects
但係，小弟有自知之明，自己都未必會喺DSE考到「33222」（事先聲明，小弟一定會努力衝刺，盡力考好DSE），或者就算考到「33222」都未必爭到入去，因爲動畫系嘅競爭實在太大，上年度平均每三十七個人先爭到一個學額。
所以，小弟就諗定開E-APP報High Dip，畀自己讀完兩年High Dip先至駁返上浸大動畫系，算係一條後路。不過，小弟上網查過，動畫High Dip就淨係得HKDI嘅「動畫及視覺特效高級文憑」。咁小弟就希望可以喺E-APP報多幾個同大學動畫系相關嘅High Dip，費事HKDI都唔收小弟就真係無書讀。咁請問呢度有無浸大AMA或者嶺大ADA嘅人可以話畀小弟知，如果小弟想High Dip畢業之後經Non-JUPAS入返浸大嘅Bachelor of Communication (Hons) in Game Design and Animation (GDA)或者嶺大嘅Bachelor of Arts (Honours) in Animation and Digital Arts (ADA)嘅話，小弟重可以報乜High Dip？小弟暫時諗到電影（以小弟所知有浸大嘅「創意電影製作高級文憑」同HKDI嘅「電影電視及攝影高級文憑」），但係小弟唔知道電影High Dip畢業之後去報返浸大GDA或者嶺大ADA，人家會唔會因爲課程關係唔大而唔收小弟。（呢度先講一下，小弟想讀多幾科major elective同free elective，再加上唔介意同你哋講，小弟如果有幸入到浸大GDA或者嶺大ADA，我會上系莊，然後選內閣時提出發起一個聯校大型企劃，就係喺小弟畢業之前，由浸大AMA/GDA、嶺大ADA同鯨大animation一齊完成製作一齣長度唔少過九十分鐘嘅商業動畫長片，而一齣商業動畫長片一般來講都需要唔少過三年時間製作，總之無論點，小弟嘅個人意願係即使讀完High Dip，申請大學時都會申請Year 1而唔會係Year 3，所以個High Dip最低要求只需要足夠我入到大學動畫系Year 1就得，不過當然足夠我入Year 3就最好，因爲個課程關聯比較大，小弟會比較容易掌握大學課程內容）