#NSS其他
[沙田某間個名鬼咁長嘅直資中小學] 長文慎入‼️
咁小弟我就鍾意咗一個女仔（呢個唔係重點），下稱A。講下佢啦，佢係一個好外向嘅人，同佢班frd表現到好les仲好鍾意整drama，同男仔都相處得好好（可能係因為佢二次元/三次元/打機都識少少）雖然把口好賤不過係好笑嗰種，而且鍾意捐規則漏洞，喺好跟規矩嘅菁英班入邊好特出，鬧老師都係A帶頭，大家都好鍾意同佢相處（之前佢整親隻腳可以搭𨋢嘅時候大家都去痴佢𨋢，佢都同我地講只要唔俾老師發現就ok）讀書中上，上堂通常都係自學
但係我觀察咗A幾個月，我發現佢好似冇表面上咁樂觀…
1.我發現佢怕醜/有困難嘅時候會下意識摸條頸大動脈個位跟住好大力撳落去，好似係想撳停佢咁。雖然佢啲指甲已經咬到就黎俾肉包住但係會用手指刮隻手。
2.一講起「自殺」嘅話題就好敏感。眾所週知學生壓力大，開口埋口都係想死想死，但係一有人開口佢就會好激動咁講，不如一齊啊！我都好想啊，不過呢度跳跳唔死，脊椎都斷唔到。大家都只係當佢講笑，但係我見到佢嘅眼神好認真，好似已經深思熟慮咗好耐只係等緊一個時機去死。佢作文都係，無論寫咩最後個結局一定都係死（btw佢作文好高分QAQ）
3.A極度自我厭惡。平時都會自嘲咁講笑，但係間唔時就會同我地講，佢喺屋企俾人踩慣，冇人會贊佢，做得好係自然，因為有個勁過佢好多嘅阿哥。我地學校就有啲好無聊嘅堂，講下心靈雞湯咁。老師就叫A分享下自己成功嘅經歷，佢直接開口話：「其實我覺得自己人生係失敗，冇成功過，雖然大家眼中我成績好好朋友好多，但係我都係覺得自己好失敗，好乞人憎。」當下大家係呆咗dead air，好彩最後老師出嚟解咗圍，但係都係喺我地心中留下咗少少心眼。
我有嘗試過去關心A，問佢有冇嘢，有嘢可以同我講，但係A就同我講話你覺得我呢啲人似會有嘢？笑笑口咁轉移話題…
我無論作為一個鍾意佢嘅人定係朋友都好我都好想幫佢🥺但係我真係無從入手，好驚問得過分咗連frd都冇得做，求大家俾啲建議我🙏🏻
多謝大家睇到呢度sorry for 1999