#NSS個人
[Guest ] 長文慎入
是咁的
舊年我個friend就要出去讀書 咁因一啲事
我同佢之間就有咗啲隔膜
雖然喺佢飛之前 我哋都有約出嚟 想佢飛之前見一面
因為我同佢係真係好friend 成個初中都痴埋一齊
我仲整咗份禮物畀佢 同送份禮物
佢過到去個邊我哋就好少聯絡 個隔膜都深咗
佢成日都會同佢其他朋友傾電話(po上story)
而個班人其實唔係幾鐘意我 所以我都好少揾佢
後來我哋嘅common friend就知道其實我哋好似有啲嘢 就想幫我哋
咁大概今年3月我哋都真係friend返
但 我都唔知係個天想挽我定點
佢個ex原來鐘意咗我 我又有少少鐘意佢
其實我同佢個ex曖昧個陣我好掙扎
因為佢哋其實唔係和平分手
係我個friend忍受唔到佢嘅不瞅不睬
而忍痛分手
我覺得我個friend可能仲鐘意佢
因為佢都追咗個ex一年幾又追到
我覺得如果我同佢一齊 我好衰女
然後我就問佢 ( u still love XXX?)
佢答( no ar why ask)
我就同佢講返少少細節
佢就話( O just together with him
I have no feel to him for a long time)
就係咁 同啲朋友嘅雞湯 我同佢個ex一齊咗
但都係咁 我覺得我同佢之間嘅隔膜 再出現返
有時我揾佢 comment佢嘅post 佢都係hea覆就算
每次係咁 我都諗 我係咪已經無咗尼個朋友
後尾知原來佢揾過我哋個common friend
問佢( xxx(姐係我)仲當唔當我係朋友?)
我係咁喊 係咁喊
我覺得好對佢唔住 我好愧疚
我好似搶咗佢嘅嘢咁
其實佢從來都無咁講過
但每次我個人depress個陣 見到我男朋友
我都會不自覺咁覺得好愧疚
直到佢上個月返咗嚟
我有喺佢飛之前同佢講safe flight
然後佢到咗步再問佢喺邊隔離
不過佢都係過咗1日先覆我 咁可能佢落機好攰啦
我都無咩嘢嘅
不過今日 佢返咗嚟學校 揾我哋嘅common friend同佢嘅另一個friend去挽 而我同男朋友一齊行緊
我內心嘅愧疚感湧曬出嚟 我好想約佢去挽
好想攬住佢話我好掛住佢 好想講句 sorry
但我無咁做 我同佢對望咗一眼 個下我無好似平時咁 拖住男朋友隻手
我反而想越行越快 我唔想出現喺佢視線範圍
我好怕我嘅出現 會令佢唔開心
我一直以嚟都好重視佢 我從來無忘記過佢
喺我心中 我都好想我哋可以好似以前咁
2個八婆一齊去食飯 挽 傾八婆嘢 互mean
有時又心靈雞湯對方
你仍然喺我心入面嘅Emily
唔係改咗名之前嘅你
我哋。仲係唔係朋友…
圖Link: https://joljolalvarado.files.wordpress.com/2010/05/good-bye-my-friend.jpg