#NSS愛情
[cls] 大家好呀ww
我係二，三個月前投過稿嘅嗰位留班而且連friend打錯嗰個男仔~
我喺禮拜五同嗰個女仔表咗白啦
結果成功咗XD
今次想喺度講吓我識嗰個女仔同埋最咪同佢表白嘅過程(極簡短)
至於標點符號…我語音輸入OwO我懶w
篇文有啲長希望大家可以睇晒啦！
12月嘅時候因為某啲原因我同咗佢同佢班friend去咗行街
係嗰日晏晝嘅時候如果我完本應該同埋佢哋一齊食飯
但係最尾佢班朋友甩哂底所以最尾得返我同佢喺度食譚仔
呢個就係我會同佢相識嘅最初原因(?
咁後來啦佢同一個渣男拍咗拖我亦都同一個女仔拍咗拖再加上又停課所以兩邊都冇點聯絡
所以慢慢咁又淡咗
去到我拍拖一個月之後
我畀個女仔呃咗3000仲整咗頂綠帽
經過坐喺天台幾個禮拜嘅沉澱勉強勉強接受咗呢個事實
然後我喺ig動態見到佢postD動漫嘢於是乎我就回覆左
就係咁打咗兩邊嘅話題
或者佢係求其覆但係對於我呢個社交同學業都有問題嘅人佢咁樣做已經係俾咗希望我
然後就有咗後來出嚟行街睇電影
再上黎問意見
睇到你哋對佢嘅回覆都係想收我做兵
我個心都寒咗一下
但係最尾我諗都俾人呃咗3000所以求其啦就繼續以呢個狀態抱着想溝佢嘅感覺同佢溝通
係個一個半月嘅時間…我認識到嘅就係
erm…原來一切都係佢懶嘅禍
然後我亦都好神奇咁樣幫咗佢按摩
仲可以玩下佢頭髮(其實都幾好聞同手感觸感都好好(?個人真實客觀評價)
或者係呢段時期仲會僵多一排
最尾甚至可能冇結果 但係點解會表白呢
原因就係佢有一個朋友問我「其實你係咪想溝佢…」
嗰陣時我冇答佢
而係扮聽唔到返屋企諗咗好耐
第二日係我生日
而佢亦都知道所以話放學請我食飯
原本都冇乜嘢嘅
不過放學啲人走晒得返我同佢
於是乎我有個大膽嘅想法
我問佢要咗個⋯
⋯
抱！
w
佢應承咗XDDDDD
到而家諗到呢一刻依然好興奮
第一次抱女仔ww
我第一次拍拖嘅時候都未抱過
真係好好好舒舒服服呀呀~
你哋以為之後我就咁表白左?
年輕人錯啦之後佢個朋友啱啱好搞掂啲嘢翻返嚟班房所以我哋三個就咁出咗去食飯
去到表白嗰日6月11日
係嗰日嘅前一晚我同佢個朋友傾咗好耐…
佢一共係ig whatsapp 電話叫咗我三次直接同佢表白我猶豫咗勁耐
我知或者係嗰個女仔叫佢個friend同我講同佢表白⋯但係我都係驚表白失敗咗之後同佢朋友都冇得做⋯我認我係變態
但我唔係痴漢⋯我真係鍾意嘅所以唔想⋯
所以我覆咗佢句睇情況啦
但係俾佢一番溫(暴)柔(力)奉(威)勸(嚇)
我都係狠狠決定聽日就咁同佢表白唔再拖
然後因為頭髮過眉喺訓導主任嘅缺點警告之下去剪咗一個非常之適合夏天清爽嘅柒頭…
激L死…搞到朝早我仲諗緊要唔要假髮…個頭搞到我覺得表白成功率降低兩成
就係咁樣第一個小息我冇膽然後嗰位朋友怒視我
第二個小息我依然冇膽佢兩個friend怒視我
小息之後嘅堂係電腦堂於是乎我同我朋友講咗呢個問題跟住佢就話表啦你個頭令我覺得你好大機會成功…於是乎我揼咗佢一鑊
咳)第三個小息我同佢講咗啦但係唔知環境太嘈定係佢特登佢話聽唔到喎…如果我內心係擴音器
我相信全間學校嘅玻璃應該都爆曬
所以我就話放學再同你講
咁由於我哋學校有依個音樂節啦
而我就係裏面嘅戲劇組
佢就係彈結他所以放學我哋直接去咗音樂室
練完之後大家就話要唔要一齊食飯然後佢個friend就喺隔離踩住我隻腳話「快啲錶啦」
雖然我就好禮貌咁使用尿遁去廁所思考左5分鐘人生
然後扮冇事返到嚟攞書包準備去食飯
就係咁去到馬路口嘅時候個女仔因為想返屋企換完衫擺低書包所以就衝閃耀緊嘅綠燈佢個朋友就一下煞停晒所有人推咗我出去
如果當初我唔係聽緊歌
咁我應該會慘叫一首迪士尼嘅歌
就係咁樣我就莫名其妙又同佢一齊傾咗計
「今日去邊度食飯」
「唔知啊你想去邊度食啊」
「譚仔囉⋯」
「妖你次次都食呢間嘅我第一次同你出街又係食譚仔」
「好食呀嘛咁你要唔要請我呀」
「大哥平時我都要你請我食飯喎我好窮啊」
「係囉我好似請咗你好多次」
「笑死我好似爭你好多」
「咁你要唔要做我女朋友當還晒」
佢就話你認真？
我就答咗佢「唔通呢」
「可唔可以講多一次」
「XX你可唔可以做我女朋友」
「可以啊」
就係咁佢而家就係我女朋友啦
冇記錯好似佢啲friend有follow呢個page
你哋認到係邊個唔好tag我出嚟啊w
然後題外話一下
佢間房嘅亂中有序狀況同我差唔多
笑死係唔係共同喜好差唔多連生活習性都會幾乎一樣
好啦多謝大家睇完呢篇咁長又一嚿嚿嘅文
希望Admin可以幫手post la
仲有希望我可以一直陪住個女仔啦w
圖Link: https://ibb.co/fQZdrgW