#NSS個人
[GUEST] 小妹今年升form3 呢排一直都有嘢煩住我
其實我一直都好驚死 夜晚一熄晒燈就開始驚 係會驚到流汗 喊 仲有發惡夢⋯ 一諗起我遲早會失去屋企人 失去朋友 幾乎有可能我自己仲早死過其他人 我就會好驚
再加上夜晚全屋熄晒燈 一有少少聲 我就覺得有賊我就覺得有人要殺我哋 個心開始跳得好快 迫自己瞓覺嘅時候又發惡夢⋯⋯
第二件事就係 我自己喺曰頭嘅時候唔會發生呢啲咁嘅事 日頭嘅我好開心好鍾意同人傾偈 同時間有好鐘意約朋友 但我屋企人唔係太鍾意 每次我返到屋企嘅時候都會鬧我 鬧我冇腦鬧我阻住個地球轉 （我接受得到佢哋鬧我 但佢哋鬧完我之後我就開始內疚 又開始驚會因為自己走咗出去同朋友玩 而失去左同佢哋相處嘅時間 meanwhile我又真係好希望可以同朋友一齊 一時要就屋企人一時要就朋友 我好辛苦 當然屋企人好緊要 但同時間 我都希望可以有返自己同朋友相處嘅時間
第三件事就係 我自己喺細個嘅時候做過手術 係個長期病患者（要長期食藥）我阿媽同我阿婆成日話：「大難不死 必有後福」但我自己唔係太相信呢一句 早似我前牌打咗疫苗 因為我真係唔清楚打完疫苗嘅副作用係咩 所以呢幾日我都好驚會突然發生啲咩事搞到我死咗 令到我夜晚驚嘅時間又長咗 失眠嘅次數亦都多咗
呢幾件事真係令到我好辛苦 我要同屋企人同朋友同社工傾過 但自己都係忍唔住驚 我真係好想搵一日喊晒佢出嚟 亦都希望可以睇醫生 至少可以對症下藥 但係有冇人可以幫下我 俾啲建議我令自己改善
我唔希望帶負能量比任何人 所以睇到呢個post而有一樣問題嘅人都要一齊加油，相信我哋可以一齊渡過嘅!
Sorry for 1999🙏🏻