讀大學嗰陣太留戀中學，抗拒大學生活，大學生活變大鶴牲活，識過而有聯絡嘅寥寥可數。當下悔憾不已，夙夜憂嘆，寢食不安，萬念俱燼。歷史冇如果，僅會有教訓。自己唔爭氣，上帝唔救你。為冷漠無情嘅中學先生、迂腐虛偽嘅同校舊生丟失四年大學 —— 一世一次嘅四年韶華，值咩？
做人萌塞係最大死症。鄙人起步於萌塞，亦栽倒於萌塞，承受一世最慘痛嘅教訓，比意外斷骨（試過半年先好返）更慘痛。砍掉重練，有可能咩？話知你係朋友定社工，積咎難返，惡果既耘，鄙人都自以為冇救，已唔期望得到救贖。自甘墮落？係。自作孽不可活？更加係。
衰足一世都好過自欺欺人妄想重頭開始的走過。聽幾多舊時悲情歌都療唔到傷，越療越傷，每天感到乏味，夜裏輾轉傷悲 —— 可能，有啲人一出世注定衰足成世。鄙人不亞於美國好多越南人（南越難民為主），夢鄉隕滅好耐，依然不能自拔，妄想光復舊時。佢地眷戀南越，高舉南越國（黃底三綫）旗；鄙人迷慕大學，翻睇以前相片……明明係虐戀，偏偏「樂」在其中，不知何日得止。
鄙人無需娶妻，因為大學正係吾妻。